బాలీవుడ్ ముద్దుగుమ్మ జాన్వీ కపూర్ సినిమాల గురించి ప్రత్యేక పరిచయాలు అవసరం లేదు.. బాలీవుడ్ లో పలు సినిమాలు చేసిన ఈ అమ్మడు టాలీవుడ్ లోకి ఎన్టీఆర్ సినిమాతో ఎంట్రీ ఇవ్వబోతుంది.. ఎన్టీఆర్, కొరటాల శివ కాంబినేషన్ లో రాబోతున్న దేవర సినిమాలో ఈ అమ్మడు నటిస్తుంది.. ఇప్పటివరకు ఈ సినిమా నుంచి రిలీజ్ అయిన పోస్టర్స్ సినిమా పై భారీగా అంచనాలను పెంచేస్తున్నాయి.. త్వరలోనే ఈ సినిమా ప్రేక్షకుల ముందుకు రాబోతుంది..
అంతేకాకుండా రాంచరణ్ హీరోగా చేస్తున్న ఆర్ సి 16 మూవీలో కూడా హీరోయిన్ గా ఫిక్స్ అయింది. ఇప్పటికే ఇద్దరు స్టార్ హీరోల సినిమాల్లో అవకాశం కొట్టేసిన జాన్వీ కపూర్ ముచ్చటగా మూడో సినిమాలో కూడా అవకాశం పట్టేసిందట. మరో స్టార్ హీరో సినిమాలో ఛాన్స్ కొట్టేసిందని తెలుస్తుంది. అది కూడా పాన్ ఇండియా స్టార్ హీరో ప్రభాస్ సినిమాలో నటించే అవకాశం ఉన్నట్లు ఇండస్ట్రీలో టాక్..
రెబల్ స్టార్ ప్రభాస్ హను రాఘవపూడి దర్శకత్వంలో ఓ సినిమా చేస్తున్నట్లు గత కొద్ది రోజులుగా వార్తలు వినిపిస్తున్నాయి.. ఇది ఒక అద్భుతమైన ప్రేమ కావ్యం అని హను రాఘవపూడి కూడా రీసెంట్గా ఓ ఇంటర్వ్యూలో బయటపెట్టారు.అలాగే ఈ సినిమాలో హీరోయిన్గా జాన్వీ కపూర్ ని తీసుకున్నట్టు ఓ వార్త చక్కర్లు కొడుతుంది.. ఇదే కనుక నిజమైతే జాన్వీ తెలుగులో అతి తక్కువ కాలంలో ముగ్గురు స్టార్ హీరోలతో చేసి స్టార్ హీరోయిన్ అవ్వడం పక్కా అని సినీ అభిమానులు చెబుతున్నాయి.. ఏది ఏమైన ఈ అమ్మడు అదృష్టం మాములుగా లేదనే చెప్పాలి..