Janvi kapoor: సొంతిల్లు ప్రతీ వారి కల.. జీవితంలో ఎంత ఎత్తుకు ఎదిగినా సొంత ఇల్లు లేకపోతే అది పెద్ద లోటుగా భావిస్తారు. అందుకే ప్రతీ ఒక్కరూ సొంతంగా ఇంటిని ఏర్పాటు చేసుకునేందుకు తాపత్రయపడుతుంటారు. సెలబ్రిటీల ఇళ్లు ఎప్పుడూ ప్రత్యేకమనే చెప్పాలి. వాటి గురించి తెల్సుకోవాలని చాలా మంది ఆసక్తి చూపుతుంటారు. ఈ క్రమంలో సెలబ్రిటీలు కూడా వారి ఇళ్లలో ఏదో ఒక ప్రత్యేకత ఉండేలా చూసుకుంటూ ఉంటారు. తాజాగా అతిలోక సుందరి శ్రీదేవీ కూతురు కొత్త విలాసవంతమైన భవనం వార్త సోషల్ మీడియాలో హల్ చల్ చేస్తోంది.
Read Also: Tiger Attack: బైకుపై వెళ్తున్న వ్యక్తిపై చిరుత దాడి.. ఆందోళనలో స్థానికుల పరుగు
జాన్వీకపూర్ తల్లి అందంతో పాటు నటనను ప్రదర్శిస్తూ అందరి మన్ననలు పొందుతూ కెరీర్లో దూసుకుపోతున్నారు. విభిన్న కథలను ఎంచుకుని, పాత్ర డిమాండ్ చేసే ఎలాంటి రిస్క్ చేసేందుకైనా రెడీ అని నిరూపించుకుంటున్నారు. అందువల్లే కెరీర్లో అడుగుపెట్టిన అనతి కాలంలోనే స్టార్ స్టేటస్ అందుకున్నారు. అందుకు తగ్గట్లే రెమ్యునరేషన్ పొందుతున్నారు. తాజాగా ఆమె కొత్త ఇంటిని కొనుగోలు చేసింది. ముంబైలోని బాంద్రాలో విలాసవంతమైన డూప్లెక్స్ బంగ్లాను సొంతం చేసుకుంది. 8,669 చదరపు అడుగుల విస్తీర్ణంలో ఉన్న ఈ ఇంటిని కొనుగోలు చేసినందుకు మిలీ స్టార్ రూ. 65 కోట్లు ఖర్చు చేసింది. జూలైలో జాన్వీ తన జుహూ ఫ్లాట్ను బాలీవుడ్ నటుడు రాజ్కుమార్ రావుకు 44 కోట్ల రూపాయలకు విక్రయించింది. ప్రస్తుతం ఆమె నటించిన మిలి చిత్రం విడుదలైంది. ఈ చిత్రంపై జాన్వీ చాలా అంచనాలు పెట్టుకుంది. తండ్రి బోనీ కపూర్ ఈ చిత్రాన్ని నిర్మించారు.
