Cricket: టీ20ల్లో సంచలనం.. 7 పరుగులకు ఆలౌట్

అంతర్జాతీయ టీ20ల్లో సంచలనం నమోదైంది. EC2026 ఆఫ్రికా సబ్ రీజియన్ క్వాలిఫయర్ పోటీల్లో భాగంగా నైజీరియాతో జరిగిన మ్యాచ్‌లో ఐవరీ కోస్ట్ 7 పరుగులకే ఆలౌటైంది. టీ20ల్లో ఇదే అత్యల్ప స్కోర్. తొలుత నైజీరియా 271/4 పరుగులు చేసింది. సెలిమ్ సలావ్ 53 బంతుల్లో 13 ఫోర్లు, 2 సిక్సర్లతో 112 పరుగులతో చెలరేగిపోయాడు. మరో బ్యాటర్ ఇసాక్ ఓక్పే 23 బంతుల్లో 3 ఫోర్లు, 6 సిక్సర్లతో 65 పరుగులు చేశాడు. సులైమన్ రన్‌సేవే కూడా 50 పరుగులతో రాణించాడు.

Read Also: IPL 2025 Mega Auction: ఢిల్లీకి ఆర్సీబీ కెప్టెన్.. బేస్ ప్రైస్‌కే కొనుగోలు

అనంతరం బ్యాటింగ్‌కు దిగిన ఐవరీ కోస్ట్ 7.3 ఓవర్లలో 7 పరుగులకే కుప్పకూలింది. ఆరుగురు బ్యాటర్లు డకౌట్ అయ్యారు. ముగ్గురు ఒక్కో పరుగు చేశారు. ఓపెనర్ మహ్మద్ 4 పరుగులు చేశాడు. నైజీరియా బౌలింగ్‌లో ఐజాక్ దన్లాడి, ప్రోస్పర్ ఉసేని తలో 3 వికెట్లు తీశారు. పీటర్ అహో 2 వికెట్లు పడగొట్టాడు. సిల్వెస్టర్ ఓక్పే ఒక వికెట్ సాధించాడు. గతంలో సింగపూర్‌తో జరిగిన మ్యాచ్‌లో మంగోలియా 10 పరుగులకే ఆలౌటైంది.

Read Also: Lift Accident : హైదరాబాద్‌లోని ఓ అపార్ట్‌మెంట్‌లో లిఫ్ట్ కూలి ఆరుగురు గాయాలు