Iran Supreme Leader Khamenei: ఇజ్రాయిల్-ఇరాన్ యుద్ధం కీలక పరిణామం చోటు చేసుకుంది. ఇరాన్ సుప్రీంలీడర్ ఆయతొల్లా అలీ ఖమేనీ హతమైనట్లు తెలుస్తోంది. ఇజ్రాయిల్ జరిపిన దాడుల్లో ఖమేనీ మరణించినట్లు ఇజ్రాయిల్ మీడియా పేర్కొంది. ఇప్పటికే ఇరాన్ రక్షణ మంత్రి అజీజ్ నాసిర్జాదే, ఇరాన్ ఆర్మీ చీఫ్ అమీర్ హతామీ మరణించినట్లు వార్తలు వస్తున్నాయి. కీలకమైన ఇస్లామిక్ రివల్యూషనరీ గార్డ్ కార్ఫ్స్ కీలక కమాండర్లు కూడా మరణించారని తెలుస్తోంది.
అయితే, ఇరాన్ సుప్రీం లీడర్ అలీ ఖమేనీతో సంబంధాలు తెగిపోయాయని, ఆయన ఉన్నాడా? లేడా అనే దానిపై స్పష్టత లేదని ఇజ్రాయిల్ అధికారులు శనివారం తెలిపారు. ఖమేనీ నివాసాన్ని, ఆఫీసును టార్గెట్ చేస్తూ ఇజ్రాయిల్, యూఎస్ భీకర దాడులు చేసింది. ఖమేనీ నివాసం పూర్తిగా ధ్వంసమైంది. మరోవైపు, ఖమేనీ రష్యాకు పారిపోయేందుకు సిద్ధమైనట్లు వార్తలు కూడా వస్తున్నాయి.
ఇరాన్పై జరిగిన దాడుల్లో అనేక మంది సీనియర్ ఇస్లామిక్ రివల్యూషనరీ గార్డ్ కార్ప్స్ (IRGC) కమాండర్లు మరియు ఇస్లామిక్ రెజిమ్ రాజకీయ అధికారులు మరణించారని ఇజ్రాయెల్ వర్గాలు తెలుపుతున్నాయి. మరోవైపు, ఖమేనీ సురక్షిత ప్రాంతానికి తరలించబడినట్లు, బంకర్లో తలదాచుకున్నట్లు కొన్ని నివేదికలు చెబుతున్నాయి. ఇరాన్ విదేశాంగ మంత్రి అబ్బాస్ అరఘ్చి మాట్లాడుతూ, ప్రభుత్వం “కొంతమంది కమాండర్లను కోల్పోయి ఉండవచ్చు, కానీ అది అంత పెద్ద సమస్య కాదు” అని అన్నారు. “నాకు తెలిసినంతవరకు, ఖమేనీ ఇంకా బతికే ఉన్నాడు” అని కూడా ఆయన అన్నారు.