IPL 2026 Full Schedule: భారత క్రికెట్ నియంత్రణ మండలి (BCCI) మార్చి 26న ఇండియన్ ప్రీమియర్ లీగ్ (IPL) 2026 లీగ్ దశకు సంబంధించిన పూర్తి షెడ్యూల్ను ప్రకటించింది. తొలుత మొదటి 20 మ్యాచ్ల షెడ్యూల్ను మాత్రమే విడుదల చేసిన ఈ పాలక మండలి, నాలుగు రాష్ట్రాల్లో జరగనున్న అసెంబ్లీ ఎన్నికల షెడ్యూల్ కోసం వేచి చూసిన విషయం తెలిసిందే. షెడ్యూల్ వెలువడిన నేపథ్యంలో సీజన్లో మిగిలిన మ్యాచ్లపై స్పష్టత నిచ్చింది. సీజన్ ఆరంభ మ్యాచ్లో భాగంగా మార్చి 28న బెంగళూరులో రాయల్ ఛాలెంజర్స్ బెంగళూరు, సన్రైజర్స్ హైదరాబాద్తో తలపడనుంది. కాగా, టోర్నమెంట్ రెండో దశ ఏప్రిల్ 13న హైదరాబాద్లో సన్రైజర్స్ హైదరాబాద్, రాజస్థాన్ రాయల్స్ మధ్య పోరుతో షురూ అవుతోంది. మే 24న కోల్కతాలో కోల్కతా నైట్ రైడర్స్, ఢిల్లీ క్యాపిటల్స్ మధ్య జరిగే మ్యాచ్తో లీగ్ దశ ముగుస్తుంది. సింగిల్-హెడర్ రోజులలో మ్యాచ్లు రాత్రి 7:30 గంటలకు ప్రారంభమవుతాయి. కాగా డబుల్-హెడర్ రోజులలో మధ్యాహ్నం జరిగే మ్యాచ్లు మధ్యాహ్నం 3:30 గంటలకు మొదలవుతాయి. మొత్తం 12 రోజుల పాటు డబుల్ హెడర్ మ్యాచ్లు జరుగుతాయి. ఇక ప్లేఆఫ్స్, ఫైనల్ వేదికలు, తేదీలను తర్వాత ప్రకటిస్తామని బీసీసీఐ ప్రకటనలో తెలిపింది. మొత్తం 70 లీగ్ మ్యాచ్లు 13 వేదికలలో జరుగుతాయి. గౌహతి, రాయ్పూర్, ధర్మశాల అదనపు వేదికలుగా పనిచేస్తాయి. రాజస్థాన్ రాయల్స్ తమ ఏడు హోమ్ మ్యాచ్లలో మూడింటిని గౌహతిలో ఆడతారు. పంజాబ్ కింగ్స్ మూడు మ్యాచ్లను ధర్మశాలలో.. మిగిలిన నాలుగు హోమ్ మ్యాచ్లను ముల్లన్పూర్లో ఆడతారు. డిఫెండింగ్ ఛాంపియన్ ఆర్సీబీ ఎం. చిన్నస్వామి స్టేడియంతో పాటు రాయ్పూర్లో రెండు మ్యాచ్లు ఆడతారు. ఏప్రిల్ 13 నుంచి ఉప్పల్లో ఐపీఎల్ సందడి నెలకొంటుంది. హైదరాబాద్ లోని రాజీవ్ గాంధీ ఇంటర్నేషనల్ క్రికెట్ స్టేడియంలో మొత్తం మ్యాచ్లు జరగనున్నాయి.
READ MORE: Hyderabad: నేడు శ్రీరామనవమి శోభాయాత్ర.. నగరంలోని ఈ రూట్లలో ట్రాఫిక్ ఆంక్షలు!
IPL 2026 లీగ్ దశ పూర్తి షెడ్యూల్
