Army Agniveer Bharti 2026: ఆర్మీ అగ్నివీర్ రిక్రూట్‌మెంట్.. 8Th, 10Th 12Th ఉత్తీర్ణులైన యువత దరఖాస్తు చేసుకోవచ్చు

ఆర్మీలో చేరాలని, దేశ సేవలో భాగం కావాలని యువత కలలు కంటుంటారు. ఆర్మీకి సెలెక్ట్ అయ్యేందుకు నిరంతరం శ్రమిస్తుంటారు. మరి మీరు కూడా భారత సైన్యంలో చేరాలనుకుంటున్నారా. అయితే మీకు గుడ్ న్యూస్. అగ్నివీర్, జూనియర్ కమిషన్డ్ ఆఫీసర్లు/ఇతర ర్యాంకుల నియామకాల కోసం ఆన్‌లైన్ కామన్ ఎంట్రన్స్ ఎగ్జామినేషన్ (ఆర్మీ సీఈఈ 2026) రిజిస్ట్రేషన్ తేదీలను భారత సైన్యం ప్రకటించింది. అధికారిక వివరాల ప్రకారం, ఆర్మీ సీఈఈ 2026 కోసం దరఖాస్తులు ఈరోజు, ఫిబ్రవరి 3న ప్రారంభమయ్యాయి. 8 నుండి 12వ తరగతి వరకు ఉత్తీర్ణులైన యువత దరఖాస్తు చేసుకోవచ్చు.

పోస్టుల వారీగా అర్హతలు

అగ్నివీర్ రిక్రూట్‌మెంట్‌లో జనరల్ డ్యూటీ (GD) పోస్టులకు దరఖాస్తు చేసుకోవడానికి, అభ్యర్థులు 45% మార్కులతో మెట్రిక్యులేషన్/10వ తరగతి ఉత్తీర్ణులై ఉండాలి. డ్రైవింగ్ లైసెన్స్ ఉన్నవారికి డ్రైవర్ పోస్టులకు ప్రాధాన్యత ఉంటుంది.
అగ్నివీర్ టెక్నికల్ పోస్టులకు దరఖాస్తు చేసుకోవడానికి, అభ్యర్థులు 50% మార్కులతో 12వ తరగతి ఉత్తీర్ణులై ఉండాలి. ప్రతి సబ్జెక్టులో కనీసం 40% మార్కులతో ఉండాలి.
క్లర్క్/స్టోర్ కీపర్ టెక్నికల్ పోస్టుకు దరఖాస్తు చేసుకోవడానికి, మీరు ఇంటర్మీడియట్/12వ తరగతిలో 60% మార్కులతో ఉత్తీర్ణులై ఉండాలి. ఇంగ్లీష్, మ్యాథమెటిక్స్, బుక్ కీపింగ్, అకౌంటింగ్‌లో కనీసం 50% మార్కులు కలిగి ఉండాలి.
అగ్నివీర్ ట్రేడ్స్‌మన్ పోస్టులకు దరఖాస్తు చేసుకోవడానికి, విద్యార్థి అన్ని సబ్జెక్టులలో కనీసం 33% మార్కులతో 8వ తరగతి/10వ తరగతి ఉత్తీర్ణులై ఉండటం తప్పనిసరి.
మిలిటరీ పోలీస్ పోస్టులకు దరఖాస్తు చేసుకోవాలంటే 45% మార్కులతో 10వ తరగతి ఉత్తీర్ణులై ఉండాలి.
అభ్యర్థుల కనీస వయస్సు 17.5 సంవత్సరాల కంటే తక్కువ ఉండకూడదు. 21 సంవత్సరాల కంటే ఎక్కువ ఉండకూడదు.

ఇండియన్ ఆర్మీ కామన్ ఎంట్రన్స్ టెస్ట్ (CEE) 2026 కి దరఖాస్తు చేసుకోవడానికి, అన్ని కేటగిరీల అభ్యర్థులు రూ. 250 దరఖాస్తు ఫీజు చెల్లించాలి. ఫీజును డెబిట్ కార్డ్, క్రెడిట్ కార్డ్, నెట్ బ్యాంకింగ్ ద్వారా ఆన్‌లైన్‌లో చెల్లించవచ్చు.

ఆర్మీ CEE పరీక్ష రాసే అభ్యర్థులు ఈ సెషన్‌లో జరిగే అగ్నివీర్ నియామకానికి అర్హత సాధిస్తారు. పరీక్ష తర్వాత, కొత్తగా నియామకం పొందిన అభ్యర్థులకు శారీరక పరీక్ష నిర్వహిస్తారు. శారీరక పరీక్షలో ఉత్తీర్ణులైన వారు చివరి దశలో, వైద్య పరీక్షలో పాల్గొనవలసి ఉంటుంది. అన్ని దశలలో వారి పనితీరు ఆధారంగా తుది మెరిట్ జాబితాను రూపొందిస్తారు. పూర్తి వివరాలకు ఈ లింక్ పై క్లిక్ చేయండి.