Election Results 2026: గెలుపెవరిది?.. 4 రాష్ట్రాలు+UT ఎన్నికల ఫలితాలు.. మినిట్స్ టు మినిట్స్ అప్డేట్స్..
Election Results 2026: నాలుగు రాష్ట్రాలతో పాటు ఒక కేంద్రపాలిత ప్రాంతం అసెంబ్లీ ఎన్నికల ఫలితాలు వెలువడుతున్నాయి.. ఉదయం 8 గంటల నుంచి కౌంటింగ్ ప్రారంభం కానుంది.. పశ్చిమ బెంగాల్, తమిళనాడు, కేరళం, అసోం రాష్ట్రాలతో పాటు యూటీ అయిన పుదుచ్చేరిలో కౌంటింగ్ ప్రక్రియ కొనసాగుతోంది.. బెంగాల్లో 77, తమిళనాడులో 62, కేరళంలో 43, అసోంలో 40, పుదుచ్చేరిలో 6 కౌంటింగ్ కేంద్రాలు ఏర్పాటు చేయగా.. కౌంటింగ్ కేంద్రాల దగ్గర ప్రత్యేక భద్రతా ఏర్పాట్లు చేశారు.. అయితే, బెంగాల్ బాద్షా ఎవరు?.. తమిళనాడులో కింగ్ ఎవరు?.. కేరళం సీఎం ఎవరు..? అసోం పీఠాన్ని అధిరోహించేది ఎవరు? పుదుచ్చేరిలో గెలుపు ఎవరది అనేది ఉత్కంఠగా మారిపోయింది..
-
డీఎంకేకు పోటీ ఇస్తున్న టీవీకే.. అస్సాంలో బీజేపీ.. కేరళలో యూడీఎఫ్ ఆధిక్యం
తొలి ట్రెండ్ వెలువడింది. తమిళనాడులో టీవీకే అధినేత తలపతి విజయ్ పార్టీ ఆధిక్యంలో ఉంది. కేరళలో యూడీఎఫ్ ఆధిక్యం, అస్సాంలో దూసుకుపోతున్న బీజేపీ.
-
ఓట్ల లెక్కింపు ప్రారంభం
నాలుగు రాష్ట్రాలు, కేంద్రపాలిత ప్రాంతం పుదుచ్చేరిలో ఓట్ల లెక్కింపు ప్రారంభమైంది.. బెంగాల్, తమిళనాడు, కేరళం, అసోం, పుదుచ్చేరిలో కౌంటింగ్ కొనసాగుతోంది.. బెంగాల్లో 77, తమిళనాడులో 62, కేరళంలో 43, అసోంలో 40, పుదుచ్చేరిలో 6 కౌంటింగ్ కేంద్రాల్లో ఓట్ల లెక్కింపు ప్రక్రియ కొనసాగుతుండగా. మొదట పోస్టల్ బ్యాలెట్లు లెక్కిస్తున్నారు అధికారులు
-
మొదలైన ఓట్ల లెక్కింపు..
ఓట్ల లెక్కింపు ప్రారంభం. ముందుగా పోస్టల్ బ్యాలెట్ ఓట్లను లెక్కిస్తున్న అధికారులు.
-
ఏ రాష్ట్రంలో ఎన్ని సీట్లు.. మేజిక్ ఫిగర్ ఎంత..?
పశ్చిమ బెంగాల్లో మొత్తం 294 అసెంబ్లీ సీట్లు ఉంటే.. మేజిక్ ఫిగర్ 148 సీట్లుగా ఉంది.. తమిళనాడులో మొత్తం 234 అసెంబ్లీ సీట్లు ఉండగా.. మేజిక్ ఫిగర్ 118 సీట్లుగా ఉన్నాయి.. ఇక, కేరళంలో మొత్తం 140 అసెంబ్లీ సీట్లు ఉండగా.. మేజిక్ ఫిగర్ 71 సీట్లుగా ఉంది.. అసోంలో మొత్తం 126 అసెంబ్లీ సీట్లకు గాను మేజిక్ ఫిగర్ 64 సీట్లుగా ఉంటుంది.. మరోవైపు పుదుచ్చేరిలో మొత్తం 30 అసెంబ్లీ సీట్లు ఉంటే.. మేజిక్ ఫిగర్ 16 సీట్లుగా ఉంది..
-
అసోంలో ఎన్డీఏ హ్యాట్రిక్..?
అసోంలో మొత్తం అసెంబ్లీ నియోజకవర్గాలు 126.. ప్రభుత్వ ఏర్పాటుకు కావాల్సిన “మ్యాజిక్ ఫిగర్” 64.. ప్రస్తుత ఎన్నికల్లో రికార్డ్ స్థాయిలో నమోదైన 85.38 ఓటింగ్ శాతం.. ఈ ఎన్నికల్లో బీజేపీ నేతృత్వంలో “ఎన్డీఏ” కూటమి గెలిస్తే మూడవ సారి ప్రభుత్వం ఏర్పాటు. కూటమి విజయం సాధిస్తే రెండవ సారి ముఖ్యమంత్రిగా బాధ్యతలు చేపట్టనున్న హిమంత్ బిశ్వ శర్మ