Nani: మీకు ఉప్మాలో జీడిపప్పు వస్తుందా?.. కానిస్టేబుళ్లతో హీరో నాని జోకులు!

Nani Jokes With Constables at Independence Day 2024 Event: స్వాతంత్ర్య దినోత్సవం సందర్భంగా గురువారం యూసఫ్‌గూడలోని బెటాలియన్‌లో శిక్షణ పొందుతున్న వారితో ‘నేచురల్ స్టార్’ నాని ముచ్చటించారు. ట్రైనీ కానిస్టేబుళ్లు అడిగిన ప్రశ్నలకు ఆయన సమాధానాలు ఇచ్చారు. ఈ క్రమంలో ఓ కానిస్టేబుల్ ‘పిల్ల జమిందార్’ సినిమాను గుర్తుచేయగా.. నాని సరదాగా నవ్వుకున్నారు. అంతేకాదు ‘మీకు ఉప్మాలో జీడిపప్పు వస్తుందా?’ అని జోకులు పేల్చారు. ఇందుకు సంబందించిన వీడియో సోషల్ మీడియాలో వైరల్ అవుతోంది.

పీజే (పిల్ల జమిందార్) సినిమాలోని ఎన్ఎన్‌సీసీ క్యాంపు అనుభవం గురించి ప్రకాష్ అనే కానిస్టేబుల్ అడగ్గా… ‘అయ్యయ్యో జోబులో డబ్బులు పోయెనే.. పీజే అనగానే నాకు ఈ పాటే గుర్తొస్తుంది. ఎన్ఎన్‌సీసీ క్యాంపులో చాలా కష్టపడ్డాను. ఫన్నీగా షూట్ చేశాం కాబట్టి.. అందరం ఎంజాయ్ చేశాం. పీజేలో అదే హైలెట్ ఎపిసోడ్. నాకు ఉప్మాలో జీడిపప్పు వచ్చింది.. నేను లక్కీ బాయ్. ఇప్పటికీ నేను అది మర్చిపోను. మీకు ఇక్కడ ఉప్మాలో జీడిపప్పు వస్తదా?. అసలు ఇక్కడ ఉప్మా ఉంటుందా?. అందరు నవ్వుతున్నారు అంటే.. జీడిపప్పులు రావేమో అని నా డౌట్’ అని నాని జోకులు పేల్చారు.

Also Read: Rishabh Pant-DPL: ఢిల్లీ ప్రీమియర్‌ లీగ్‌లో రిషబ్ పంత్!

మీరు ఎప్పుడు పోలీసు పాత్రలో నటిస్తారు? అనే ప్రశ్నకు.. ‘ఆ విషయాన్ని ఇప్పటివరకూ ఎక్కడా చెప్పలేదు. ఇదే సరైన వేదిక అని అనుకుంటున్నా. నా కొత్త సినిమా సరిపోదా శనివారం ఆగష్టు 29న అవుతోంది. మరికొన్ని రోజుల్లోనే నా తదుపరి ప్రాజెక్టు ప్రకటిస్తా. అందులోనే నేను పోలీసు ఆఫీసర్‌గా నటించబోతున్నా’ అని నేచురల్ స్టార్ చెప్పుకొచ్చారు.