IND vs SL: మరోమారు సర్ఫరాజ్ ఖాన్‌కు మొండిచేయి.. టాస్ గెలిచి బ్యాటింగ్ ఎంచుకున్న భారత్..!

IND vs SL: శ్రీలంకతో రెండు టెస్టుల సిరీస్‌లో భాగంగా తొలి టెస్టు గాలే వేదికగా ప్రారంభమైంది. ఈ మ్యాచ్‌లో టీమిండియా టాస్ గెలిచి తొలుత బ్యాటింగ్ ఎంచుకుంది. కెప్టెన్ శుభ్‌మన్ గిల్ నిర్ణయం తీసుకున్నాడు. ఈ మ్యాచ్‌తో భారత టెస్టు క్రికెట్ చరిత్రలో ఓ కీలక మైలురాయి నమోదైంది. భారత్‌కు ఇది 600వ టెస్టు మ్యాచ్. అలాగే గాలే వేదికగా జరుగుతున్న టెస్టు మ్యాచ్‌ల సంఖ్య 50కి చేరింది.

టీమిండియా తుది జట్టు ఎంపికలో సర్ఫరాజ్ ఖాన్‌కు మరోసారి నిరాశ ఎదురైంది. అతడికి తుది జట్టులో చోటు దక్కలేదు. సర్ఫరాజ్ ఆడతాడని అంచనాలు ఉన్నప్పటికీ, టీమ్ మేనేజ్‌మెంట్ ధ్రువ్ జురెల్‌కు అవకాశం కల్పించింది. దీంతో రిషభ్ పంత్ వికెట్ కీపర్‌గా కొనసాగుతుండగా.. జురెల్ బ్యాటింగ్ విభాగంలో అదనపు ఎంపికగా ఉన్నాడు.

గాలే పిచ్ పరిస్థితులను దృష్టిలో పెట్టుకుని భారత్ ముగ్గురు స్పిన్నర్లు, ఇద్దరు పేసర్ల కాంబినేషన్‌తో బరిలోకి దిగింది. రవీంద్ర జడేజా, కుల్‌దీప్ యాదవ్, మానవ్ సుతార్ స్పిన్ బాధ్యతలు చేపట్టనున్నారు. మహ్మద్ సిరాజ్, ప్రసిద్ధ్ కృష్ణ పేస్ బౌలింగ్ ను నడిపించనున్నారు. మరోవైపు శ్రీలంక జట్టులో ఆఫ్‌స్పిన్ బౌలింగ్ ఆల్‌రౌండర్ కేశర నువాంత అరంగేట్రం చేస్తున్నాడు. ఇప్పటివరకు అతడు 15 ఫస్ట్‌క్లాస్ మ్యాచ్‌లు మాత్రమే ఆడగా.. కొలంబోలోని ఎన్‌సీసీలో జరిగిన టూర్ మ్యాచ్‌లో మూడు వికెట్ల మ్యాచ్ హాల్ సాధించాడు. అంతకుముందు గాలే వేదికగానే ఇండియా-Aతో జరిగిన మ్యాచ్‌లో ఐదు వికెట్లు పడగొట్టాడు.

తుది జట్లు..

భారత్:

యశస్వి జైస్వాల్, కేఎల్ రాహుల్, దేవదత్ పడిక్కల్, శుభ్‌మన్ గిల్ (కెప్టెన్), రిషభ్ పంత్ (వికెట్ కీపర్), ధ్రువ్ జురెల్, రవీంద్ర జడేజా, కుల్‌దీప్ యాదవ్, మానవ్ సుతార్, మహ్మద్ సిరాజ్, ప్రసిద్ధ్ కృష్ణ.

శ్రీలంక:

లాహిరు ఉదారా, నిషాన్ మదుష్క, దినేశ్ చండిమాల్, కమిందు మెండిస్, ధనంజయ డిసిల్వా (కెప్టెన్), సోనాల్ దినుష, నిరోషన్ డిక్వెల్లా (వికెట్ కీపర్), కేశర నువాంత, ప్రభాత్ జయసూర్య, లాహిరు కుమార, అసిత ఫెర్నాండో.