Tera Kya Hoga Lovely : డీ గ్లామర్ లుక్ లో ఇలియానా.. ఆకట్టుకుంటున్న ట్రైలర్..

బాలీవుడ్ నటుడు రణదీప్ హుడా, ఇలియానా హీరో, హీరోయిన్లుగా నటిస్తున్న లేటెస్ట్ మూవీ ‘తేరా క్యా హోగా లవ్లీ’. సోషల్ కామెడీ చిత్రంగా రూపొందుతున్న ఈ చిత్రం, అంతర్జాతీయ మహిళా దినోత్సవం సందర్భంగా మార్చి 8న థియేటర్లలో విడుదల కానుంది.ఈ నేపథ్యంలో మూవీ ట్రైలర్ ని మేకర్స్ రిలీజ్ చేశారు. బల్వీందర్ సింగ్ జంజువా దర్శకత్వం వహిస్తున్న ఈ మూవీ నవ్విస్తూనే, పలు సామాజిక అంశాలను టచ్ చేస్తూ ప్రేక్షకులను ఆలోచింపజేస్తోంది.‘తేరా క్యా హోగా లవ్లీ‘ సినిమా అందం, వరకట్నం లాంటి విషయాలను ప్రధానంగా ప్రస్తావిస్తోంది. అందంగా లేని అమ్మాయిలు సమాజంలో ఎలా చిన్న చూపుకు గురవుతున్నారు..అనే విషయాన్ని దర్శకుడు బల్వీందర్ ఈ మూవీలో చూపించే ప్రయత్నం చేసారు.. ఈ సినిమాలో ఇలియానా అందంగా లేని అమ్మాయిగా కనిపించింది. ఆమె రంగు కారణంగా ఎన్నో పెళ్లి సంబంధాలు క్యాన్సిల్ అవుతాయి.

రెట్టింపు కట్నం ఇస్తే అమ్మాయిని పెళ్లి చేసుకుంటామని ఓ కుటుంబం ముందుకు వస్తుంది. అదే సమయంలో ఇలియానా ఇంట్లో దొంగతనం జరుగుతుంది. కట్నంగా ఇవ్వాల్సిన ఖరీదైన వస్తువులన్నీ దొంగలు దోచుకుంటారు.. అమ్మాయి తల్లిందండ్రులు పోలీసులకు ఫిర్యాదు చేస్తారు. ఈ కేసును హర్యానా పోలీసు అధికారి రణదీప్ దర్యాప్తు చేస్తాడు. దొంగలను పట్టుకునేందుకు ఆయన ప్రయత్నిస్తాడు.విచారణలో భాగంగా ఇలియానాతో పాటు ఆమె కుటుంబ సభ్యులను ప్రశ్నిస్తాడు. ఈ సమయంలో ఆమెను ఇష్టపడుతాడు. అప్పుడు ఈ సోషల్ కామెడీ మూవీలో రొమాంటిక్ ట్విస్ట్ మొదలవుతుంది.. ఈ మూవీ ట్రైలర్ సినిమాపై భారీగా అంచనాలు పెంచుతోంది.అయితే మేకర్స్ ట్రైలర్లో ఓ డిస్క్లెయిమర్ ను యాడ్ చేశారు. “భారత రాజ్యాంగం మతం, జాతి, కులం, లింగం లేదా జన్మస్థలం ఆధారంగా వివక్షను నిషేధిస్తుంది. ఇది కేవలం కల్పిత చిత్రం. చర్మం రంగు, వరకట్నం అనేది ఒక సామాజిక దురాచారం. ఈ సినిమాతో సంబంధం ఉన్న ఏ వ్యక్తి కూడా వరకట్న ఆచారాన్ని ఆమోదించరు” అని ప్రకటించారు.

https://youtu.be/TXmYkbs3zy0?si=tdMpuymiKNx5Dg3p