Bigg Boss Mehaboob: హైదరాబాద్‌లో రేవ్ పార్టీ.. బిగ్‌బాస్ ఫేమ్ మహబూబ్ షేక్‌ అరెస్ట్?

Bigg Boss Fame Mehaboob Shaikh Arrested: హైదరాబాద్‌ నగరంలో రేవ్ పార్టీ మరోసారి కలకలం రేపింది. బిగ్‌బాస్ ఫేమ్ మహబూబ్ షేక్‌.. బర్త్ డే పార్టీ పేరుతో రేవ్ పార్టీ నిర్వహించినట్టు తెలుస్తోంది. కాంటినెంట్ రిసార్ట్‌లో జరిగిన ఈ పార్టీకి బుల్లితెర నటులు, పలువురు సెలబ్రిటీలు హాజరైనట్టు సమాచారం. అనుమతి లేకుండా బర్త్ డే పార్టీ నిర్వహించినందుకు మహబూబ్ సహా పార్టీ ఆర్గనైజర్, రిసార్ట్‌ యజమానిపై పోలీసులు కేసు నమోదు చేశారు. జూలై 29న ఈ ఘటన జరగ్గా కాస్త ఆలస్యంగా వెలుగులోకి వచ్చింది.

జూలై 29న బిగ్‌బాస్ ఫేమ్ మహబూబ్ షేక్‌ బర్త్ డే. ఈ సందర్భంగా మేడ్చల్ జిల్లా ఘట్కేసర్ మండలం అంకుశాపూర్‌లోని కాంటినెంట్ రిసార్ట్‌లో పార్టీ ఏర్పాటు చేశాడు. ఈ సెలబ్రేషన్స్‌కు మహబూబ్ ఫ్రెండ్స్ చాలా మంది హాజరయ్యారు. అందరికోసం గ్రాండ్ పార్టీ అరేంజ్ చేశాడు. రిసార్ట్‌లో లిక్కర్ పార్టీ జరుగుతున్నట్లు సమాచారం అందుకున్న ఎక్సైజ్ పోలీసులు మెరుపు దాడి చేశారు. అనుమతి లేకుండా పార్టీ నిర్వహించడంపై పార్టీ ఆర్గనైజర్‌ సుభాన్ అలీ, రిసార్ట్ మేనేజర్ సుధీర్ కుమార్‌పై కేసు నమోదు చేశారు. మహబూబ్‌పై కూడా కేసు నమోదు చేసి అరెస్ట్ చేసినట్లు తెలుస్తోంది.

Also Read: Gold Price Today: సడెన్ షాకిచ్చిన బంగారం ధరలు.. ఒక్కరోజే తులంపై రూ.870 పెరిగింది!

పార్టీలో 11.2 లీటర్ల మద్యం, 7.15 లీటర్ల బీరు స్వాధీనం చేసుకున్నామని ఎక్సైజ్ పోలీసులు వెల్లడించారు. 750 ఎంఎల్ మూడు బాలంటైన్స్ విస్కీ బాటిల్స్, ఐదు అబ్సోలట్ సిట్రాన్ వోడ్కా బాటిల్స్, ఒక లీటర్ బ్లాక్ లేబుల్ విస్కీ , 11 బడ్‌వైజర్ బీర్ బాటిల్స్, 19 బ్రీజర్ బాటిల్స్ స్వాధీనం చేసుకున్నారు. పార్టీలో ఇంకేమైనా నిషేధించిన ద్రవ్యాలు ఉన్నాయన్న కోణంలో పోలీసులు విచారణ చేస్తున్నారు. ఈ పార్టీలో గీతూ రాయల్, శ్రీ సత్య, ఢీ ఫేం శ్వేత, యాంకర్ ధనుష్, సావిత్రి భర్త గంగూలీ, దివ్య శ్రీతో పాటు పలువురు ఉన్నట్టు సమాచారం.