PAN-Aadhar Link : పాన్ కార్డు కలిగి ఉన్నవారు తప్పనిసరిగా ఆధార్ నంబర్తో లింక్ చేసుకోవాలి. లేకుంటే ఏప్రిల్ 1 తర్వాత ఆ పాన్ కార్డు చెల్లుబాటు కాదు. మీ పాన్ ఆధార్ లింక్ చేసేందుకు మార్చి 31, 2023 నాటికే గడువు ఉంది. అప్పట్లోగా లింక్ చేయకపోతే మీ పాన్ కార్డు పని చేయకుండా పోతుంది. ఎలాంటి లావాదేవీలు చేయలేరు. ప్రస్తుతం ఏ చిన్న ఆర్థిక లావాదేవీ నిర్వహించాలన్న పాన్ కార్డు కంపల్సరీ… కాబట్టి వెంటనే పాన్-ఆధార్ లింక్ చేయండి.
పాన్-ఆధార్ కార్డు అనుసంధానానికి చివరి తేదీ దగ్గర పడుతోంది. మరో వారం రోజులే మిగిలుంది. అప్పటిలోగా ఈ రెండు డాక్యుమెంట్లను అనుసంధానం చేయని పక్షంలో పాన్ నిరుపయోగంగా మారే ప్రమాదం ఉంది. ఒక్క SMSతో ఈ రెండింటినీ సులభంగా లింక్ చేయవచ్చని నిపుణులు చెబుతున్నారు.
ఎలా లింక్ చేయాలంటే..
”UIDPAN<12 అంకెల ఆధార్ నెంబర్><పది అంకెల పాన్ నెంబర్>’’ అని టైప్ చేయాలి
పైన పేర్కొన్న సందేశాన్ని మీ రిజిస్టర్డ్ మొబైల్ నెంబర్ నుంచి 56161 లేదా 567678 నెంబర్కు ఎస్ఎమ్ఎస్ చేయాలి.
ఇన్కం ట్యాక్స్ వెబ్సైట్ ద్వారా..
https://www.incometax.gov.in/iec/foportal/ ద్వారా కూడా పాన్, ఆధార్లను లింక్ చేయవచ్చు. వెబ్సైట్లోని ఈ-ఫైలింగ్ పోర్టర్ లో ఇందుకు సంబంధించిన సదుపాయం ఉంది. ఈ ఫైలింగ్ పోర్టల్లోని ‘లింక్ ఆధార్’ అనే ఆప్షన్పై క్లిక్ చేయాలి. ఆ తరువాత స్క్రీన్పై కనిపించిన పేజీలో ఆధార్, పాన్ నెంబర్లు, ఇతర వివరాలను చేర్చి ఎంటర్ ఆప్షన్పై క్లిక్ చేస్తే డాక్యుమెంట్ల అనుసంధానం పూర్తయిపోతుంది.
పాన్, ఆధార్ లింక్ అయ్యిందో లేదో ఇలా చెక్ చేయండి..
www.incometax.gov.in/iec/foportal/ వెబ్సైట్లో పాన్ ఆధార్ లింక్ అయ్యిందీ లేనిదీ తెలుసుకోవచ్చు. ఇందుకోసం వెబ్సైట్లోని ఈ ఫైలింగ్ పేజ్లో ‘క్విక్ లింక్స్’ విభాగంలోని ‘లింక్ ఆధార్’ స్టేటస్ అన్న లింక్పై క్లిక్ చేయాలి. ఆ తరువాత స్క్రీన్పై ఆధార్, పాన్ నెంబర్లను ఎంటర్ చేసి ‘వ్యూ లింక్ ఆధార్ స్టేటస్’ అన్న ఆప్షన్పై క్లిక్ చేస్తే లింకేజ్ అయ్యిందీ లేనిదీ తెలుసుకోవచ్చు.
