Currency Notes: మీ దగ్గర చిరిగిన నోట్లు ఉన్నాయా.. కమీషన్ లేకుండా ఇలా మార్చుకోండి

Currency Notes: చందు తన వస్తువులను విక్రయించాడు. ఎదురుగా ఉన్న వ్యాపారి నగదు అందుకు తగిన నగదు అతడికి ఇచ్చాడు. తన హడావుడిలో అతను చూసీచూడనట్లు లోపల పెట్టుకున్నాడు. సరిగా చూసుకోకపోవడంతో అతనికి రెండు చిరిగిన రూ.500 నోట్లు వచ్చాయి. ఇప్పుడు ఏం చేయాలి.. రూ.5000 చెల్లింపులో రూ.1000 నష్టం వచ్చింది. ఆ తర్వాత మార్కెట్‌ నుంచి కమీషన్‌పై నోట్లు మార్చుకుందామనుకున్నాడు. కానీ చందు వాళ్లు చెప్పిన కమీషన్ రేటు విని షాక్ అయ్యాడు. చివరకు అతని స్నేహితుల్లో ఒకరు అతనికి సహాయం చేయడంతో చందు ఆ నోట్లను బ్యాంకు నుంచి మార్చుకోగలిగాడు. ఎలాగో తెలుసుకుందాం ?

చాలా సార్లు చిరిగిన లేదా టేప్ వేయబడిన నోట్లు కూడా ఏటీఎం నుండి బయటకు వస్తాయి. ఆ సమయంలో మీరు కూడా చందు లాంటి పరిస్థితి ఎదుర్కొవచ్చు. మ్యుటిలేటెడ్ లేదా పాత నోట్లను మార్చుకోవడానికి మీరు భారీ కమీషన్ చెల్లించాల్సిన అవసరం లేదు. బదులుగా మీరు ఏదైనా బ్యాంక్ బ్రాంచ్‌కి వెళ్లి వాటిని భర్తీ చేసుకోవచ్చు. ఈ ప్రక్రియ చాలా సులభం. దేశంలోని అన్ని బ్యాంకులకు చిరిగిపోయిన లేదా దెబ్బతిన్న కరెన్సీ నోట్లను మార్చుకోవాలని భారతీయ రిజర్వ్ బ్యాంక్ ఆదేశాలు జారీ చేసింది. అలాంటి నోట్లకు బదులుగా బ్యాంకులు సాధారణ ప్రజలకు కొత్త నోట్లను ఇవ్వాలి. దీని కోసం ఇప్పుడు వారు ఆర్‌బీఐ కార్యాలయానికి వెళ్లాల్సిన అవసరం లేదు. పాత నోట్లను మార్చుకోవడానికి బ్యాంకు ఖాతా తెరవాల్సిన అవసరం లేదు. ఒక సామాన్యుడు పని దినాలలో ఏదైనా బ్యాంకు శాఖను సందర్శించి పాత నోట్లను మార్చుకోవచ్చు. చిరిగిన పాత నోటు మార్పిడికి సంబంధించి రూల్స్ రూపొందించారు. ఏదైనా బ్యాంక్ బ్రాంచ్ నుండి మార్చబడిన మ్యుటిలేటెడ్ నోట్లను పొందే పూర్తి ప్రక్రియ ఇక్కడ తెలుసుకుందాం.

Read Also:Chandrababu Arrested Live Updates: రిమాండ్ రిపోర్టులో లోకేష్ పేరు.. ఏం జరగబోతోంది.!

– మీ పాత నోటు రూ. 50 లేదా అంతకంటే తక్కువ ఉంటే.. అది రెండు ముక్కలుగా చిరిగిపోతే మార్పిడిలో నోటు పూర్తి విలువను పొందుతారు.
– మీ చిరిగిన పాత నోటు రూ.50 కంటే ఎక్కువ ఉంటే. నోటులోని ఏదైనా ఒక ముక్క మొత్తం నోటులో 80 శాతం లేదా అంతకంటే ఎక్కువ ఉంటే, మీరు నోటు పూర్తి విలువను పొందుతారు.
– చిరిగిన నోటు ముక్క 80 శాతం కంటే తక్కువ అయితే 40 శాతం లేదా అంతకంటే ఎక్కువ. అప్పుడు మీరు నోటు విలువలో సగానికి సమానమైన మొత్తాన్ని తిరిగి పొందుతారు. అతిపెద్ద సింగిల్ పీస్ 40 శాతం కంటే తక్కువగా ఉంటే మీ నోటు మార్చబడదు.
– మీరు ఎటువంటి విచారణ లేకుండా ఒక రోజులో ఏ బ్యాంకు నుండి అయినా రూ.5,000 వరకు విలువైన పాత నోట్లను మార్చుకోవచ్చు. ఒక రోజులో మీరు ఏదైనా బ్యాంకు శాఖ నుండి గరిష్టంగా 20 పాత నోట్లను మార్చుకోవచ్చు.
– బ్యాంక్ నోట్లు వాల్యుయేషన్ చేసిన తర్వాత, వారు ఎలాంటి విచారణ లేకుండానే మీ చిరిగిన నోట్లకు బదులుగా తాజా నగదు మొత్తాన్ని మీకు ఇస్తారు.
– మీరు ఏదైనా బ్యాంకు శాఖ నుండి ఇంత కంటే ఎక్కువ మొత్తంలో చిరిగిన పాత నోట్లను మార్చుకుంటే, ఆ డబ్బు మీ ఖాతాలో జమ అవుతుంది. పాత నోట్ల మార్పిడి విలువ రూ.50,000 కంటే ఎక్కువ ఉంటే, మీరు పాన్ కార్డు వివరాలను అందించాలి.

Read Also:Atchannaidu: నాకైనా, చంద్రబాబుకైనా.. పైసా లబ్ది చేకూరినట్లు నిరూపిస్తే పీక కోసుకుంటా..