Himachal Pradesh : ఇద్దరు దుకాణదారుల మధ్య గొడవ.. మసీదు కూల్చివేయాలని డిమాండ్
- Follow Us :
-
-
Add as a preferred
source on google
Himachal Pradesh : సిమ్లాలోని సంజౌలీలో మసీదు నిర్మాణానికి వ్యతిరేకంగా గురువారం హిందూ సంస్థలు నిరసన తెలిపాయి. మసీదులో జరుగుతున్న అక్రమ నిర్మాణం 2007 నుండి వివాదాస్పదంగా ఉంది. ప్రస్తుతం ఈ విషయం మున్సిపల్ కమిషనర్ కోర్టులో పెండింగ్లో ఉంది. దీనిపై సెప్టెంబర్ 7న ముఖ్యమైన విచారణ జరగనుంది. ఈ కేసులో ఇప్పటి వరకు మొత్తం 44 విచారణలు జరిగాయి. మసీదు వక్ఫ్ బోర్డ్ సొత్తు అని ముస్లిం పక్షం వాదించగా, ఈ మసీదు 1947కు ముందు నుంచి ఇక్కడ ఉందని, కోర్టులో జరుగుతున్న కేసును వక్ఫ్ బోర్డు చూసుకుంటుందని మసీదు ఇమామ్ మౌలానా షాజాద్ చెప్పారు.
వివాదం పెరిగి నిరసనలు ఎందుకు జరిగాయి?
మసీదు నిర్మాణానికి సంబంధించిన వివాదం పాతది, అయితే దానికి వ్యతిరేకంగా అకస్మాత్తుగా పెద్ద ప్రదర్శన జరగడానికి కారణం రెండు వేర్వేరు వర్గాలకు చెందిన దుకాణదారుల మధ్య గొడవ. సిమ్లాలోని మాన్యాలీలో సెలూన్ యజమానికి, ఎలక్ట్రికల్ ఉపకరణాల దుకాణదారునికి మధ్య వాగ్వాదం జరిగింది. ఈ వివాదం తోపులాటకు చేరుకోవడంతో తొలుత స్థానిక దుకాణాదారులు జోక్యం చేసుకొని ఇరువర్గాలను శాంతింపజేశారు.అయితే గొడవ ఇక్కడితో ఆగలేదు, ఇరువర్గాల దుకాణాదారులు తమ వారికి కూడబలుకుకొని వచ్చి మళ్లీ ఒకరిపై ఒకరు దాడికి పాల్పడ్డారు. దీంతో విద్యుత్ పరికరాల దుకాణదారుడు మృతి చెందాడు. ఈ దాడి తరువాత, హిందూ సమాజానికి చెందిన ప్రజలు గుమిగూడి నిరసనకు సిద్ధమయ్యారు.
Also Read
- Kavya-Anirudh Reception: సీఎం విజయ్తో కలిసి రాని సంగీత.. అనిరుధ్-కావ్య రిసెప్షన్లో విడివిడిగా కనిపించిన దంపతులు
- Vande Bharat Brakes Fail: బ్రేకులు లేకుండానే 'వందే భారత్' 463 కి.మీ. ప్రయాణం.. రైల్వే అధికారుల నిర్లక్ష్యంపై విచారణ!
- AP Panchayat Elections: పంచాయతీ ఎన్నికలకు భారీగా నామినేషన్లు.. ఫేజ్-IIలో 25 వేల మందికి పైగా సర్పంచ్ అభ్యర్థులు
- Millet Vegetable Soup Recipe: చలికాలంలో టీ, కాఫీకి గుడ్బై..! వేడివేడిగా ఈ సూప్ తాగండి.. ఆరోగ్యానికి ఎన్నో ప్రయోజనాలు!
మాన్యాల ఇష్యూ సంజౌళికి ఎలా చేరింది?
మాన్యాలాతో పోలిస్తే సిమ్లాలోని సంజౌలిలో ముస్లిం సమాజానికి చెందిన అత్యధిక సంఖ్యలో ప్రజలు నివసిస్తున్నారు. ఇది కాకుండా, మసీదు నిర్మాణానికి సంబంధించిన వివాదం పెండింగ్లో ఉంది. దీనిపై సెప్టెంబర్ 7న నిర్ణయం తీసుకునే అవకాశం ఉంది. అందుకే సంజౌలీని నిరసనలకు కేంద్రంగా మార్చారని స్థానికులు చెబుతున్నారు. రెండు వేర్వేరు వర్గాల ప్రజల మధ్య హింసాత్మక ఘర్షణ తర్వాత ఈ అంశం పెద్ద సమస్యగా మారింది మరియు ఇప్పుడు హిందూ సంస్థలు ప్రభుత్వానికి, పరిపాలనకు రెండు రోజుల అల్టిమేటం ఇచ్చాయి.
దీనిపై న్యాయస్థానం, యంత్రాంగం త్వరగా నిర్ణయం తీసుకోవాలని, అక్రమ నిర్మాణాలపై బుల్డోజర్ చర్యలు తీసుకోవాలని, లేకుంటే సిమ్లా ప్రజలే తమ చేతుల్లోకి తీసుకుంటారని హిందూ సంస్థల ఈ అల్టిమేటం ఇచ్చారు. దీంతో ఆ ప్రాంతంలో టెన్షన్ వాతావరణం నెలకొంది. మసీదు చుట్టూ భారీగా పోలీసులను మోహరించి భద్రతను పెంచారు. సంజౌలిలో గురువారం నాటి నిరసన తర్వాత, శుక్రవారం ఉద్రిక్త పరిస్థితి ఏర్పడింది. ముస్లిం సమాజానికి చెందిన ప్రజలు మసీదులో గుమిగూడడం మానుకోవాలని కోరారు. నిర్ణీత సమయానికి ప్రార్థనలు జరుగుతాయని, అయితే సమాజంలోని ప్రజలు భయపడుతున్నారని, అందువల్ల మసీదులో గుమిగూడవద్దని మసీదుకు చెందిన మౌలానా కోరారు. మౌలానా షాజాద్ మాట్లాడుతూ ఇక్కడి ముస్లిం సమాజానికి చెందిన చాలా మంది ప్రజలు బయటి రాష్ట్రాలకు చెందిన వారేనని, ఈ ఘటనతో భయాందోళనకు గురవుతున్నారని అన్నారు.
వివాదంపై మసీదు మౌలానా ఏం చెప్పారు?
మసీదుకు చెందిన మౌలానా కొన్ని లోటుపాట్లు ఉన్నాయని అంగీకరించారు. దాని వల్ల ఈ రోజు వరకు మసీదుపై వివాదం ఉంది. పురాతన కాలం నుండి ఇక్కడ ఉంది. ప్రజలు తమ మధ్య శాంతి, సౌభ్రాతృత్వాన్ని కాపాడుకోవాలని మౌలానా విజ్ఞప్తి చేశారు.
మసీదు వివాదంలో తర్వాత ఏం జరుగుతుంది?
మసీదు నిర్మాణానికి సంబంధించిన వివాదం ప్రస్తుతం మున్సిపల్ కమిషనర్ కోర్టులో పెండింగ్లో ఉంది, దీనిపై శనివారం ముఖ్యమైన విచారణ జరగనుంది. తమ డిమాండ్లకు అనుగుణంగా నిర్ణయం తీసుకుంటే వివాదం మరింత ముందుకు సాగదని, అయితే తమ డిమాండ్లకు భిన్నంగా నిర్ణయం తీసుకుంటే ప్రజలు ఆగ్రహించి మళ్లీ నిరసనలు ప్రారంభమయ్యే అవకాశం ఉందని స్థానికులు చెబుతున్నారు. దీంతో పాటు హిందూ సంస్థలు ఇచ్చిన రెండు రోజుల అల్టిమేటం ఆదివారంతో ముగియనుండగా, ఆ తర్వాత మరింత టెన్షన్ పెరిగే అవకాశం ఉంది.
తాజావార్తలు
-
Kavya-Anirudh Reception: సీఎం విజయ్తో కలిసి రాని సంగీత.. అనిరుధ్-కావ్య రిసెప్షన్లో విడివిడిగా కనిపించిన దంపతులు
-
Vande Bharat Brakes Fail: బ్రేకులు లేకుండానే ‘వందే భారత్’ 463 కి.మీ. ప్రయాణం.. రైల్వే అధికారుల నిర్లక్ష్యంపై విచారణ!
-
Cockroaches: ప్రకృతి రాసిన బొద్దింకల కథ!
-
Ramayana Box Office Collection: ‘రామాయణ’ రికార్డుల వేట.. 17 రోజుల్లోనే రూ.1,675 కోట్లు.. డే వైజ్ కలెక్షన్స్ ఇవే!
-
AP Panchayat Elections: పంచాయతీ ఎన్నికలకు భారీగా నామినేషన్లు.. ఫేజ్-IIలో 25 వేల మందికి పైగా సర్పంచ్ అభ్యర్థులు
ట్రెండింగ్
-
Global Peace Honors: ‘గ్లోబల్ పీస్ హానర్స్’లో తారల సందడి.. సచిన్కు ప్రత్యేక గౌరవం..!
-
IND vs NZ Test: టీమిండియా బ్యాటర్ల ఊచకోత.. భారీ ఆధిక్యంలో భారత్..!
-
Kimchi Day : కిమ్చీ.. కొరియా వంటకం వెనుక ఆరోగ్య రహస్యం
-
Microwave Cleaning Hacks : ఓవెన్లో మొండి మరకలా బెడదా.?.. 5 నిమిషాల ట్రిక్తో క్లీనింగ్ ఈజీ
-
Traditional Indian Textile Recycling : పాత చీరలతో కొత్త మ్యాజిక్.. మన అమ్మమ్మల ఫ్యాషన్ సీక్రెట్.!