Sharwanand: సీనియర్ నటి కాళ్లు మొక్కిన హీరో శర్వానంద్‌.. వీడియో వైరల్!

Actress Tulasi on Sharwanand: ‘ఛార్మింగ్‌ స్టార్‌’ శర్వానంద్‌ కథానాయకుడిగా తెరకెక్కిన చిత్రం ‘మనమే’. శ్రీరామ్‌ ఆదిత్య దర్శకత్వం వహించిన ఈ సినిమాను టిజి విశ్వప్రసాద్‌ నిర్మించారు. ఇందులో శర్వా సరసన ఉప్పెన బ్యూటీ కృతి శెట్టి నటించారు. మనమే చిత్రం నేడు (జూన్ 7) ప్రేక్షకుల ముందుకు వచ్చింది. ఈ సందర్భంగా చిత్ర యూనిట్ హైదరాబాద్‌లో విడుదలకి ముందస్తు వేడుకని నిర్వహించారు. ఈ సందర్బంగా సీనియర్ నటి తులసి వద్ద ఆశీర్వాదం తీసుకున్నారు.

మనమే ప్రీ రిలీజ్ ఈవెంట్‌కు సీనియర్ నటి తులసి హాజరయ్యారు. ఆమె వైదిక పైకి రాగానే అయ్యప్ప మాల వేసుకున్న హీరో శర్వానంద్‌ కాళ్లు మొక్కి ఆశీర్వాదం తీసుకున్నారు. అనంతరం శర్వాను తులసి హత్తుకున్నారు. ఇందుకు సంబధించిన వీడియో సోషల్ మీడియాలో వైరల్ అయింది. శర్వా వినయంను అందరూ ప్రశంసిస్తున్నారు. మనమే సినిమాలో శర్వాకు తల్లిగా తులసి నటించారు. తులసి మాట్లాడుతూ… ‘శర్వా నా కడుపులో పుట్టలేదు కానీ.. నా కొడుకే. శర్వా గురించి అందరు విన్నవి, చెప్పుకుంటున్నవే నేను చెబుతున్నా. బ్రిలియంట్ యాక్టర్, వెరీ హార్డ్ వర్కర్, జెంటిల్ మ్యాన్, క్లాసీ జెంటిల్ మ్యాన్. ఎప్పుడూ అందరితో మనమే అంటూ కలిసిపోతాడు. శర్వాకు నిలకడ బాగా ఉంటుంది. ఇలానే ఉండు. ఇంకా పైకి ఎదుగుతావ్, నేను ఓ తల్లిగా చూస్తూనే ఉంటా’ అని అన్నారు.

Also Read: Babar Azam Record: చ‌రిత్ర సృష్టించిన బాబర్ ఆజమ్.. విరాట్‌ కోహ్లీ రికార్డు బ్రేక్!

హీరోగా 35 సినిమాలు చేయడం చాలా కష్టం అని తులసి పేర్కొన్నారు. శర్వాకు విజయాలే ఎక్కువగా ఉన్నాయని, ఇది చాలా అరుదు అని అన్నారు. శర్వాలో ఉన్న ఓపిక ఈ తరం పిల్లలకు ఉండడం అరుదు అని తులసి ప్రశంసించారు. మొదట్లో క్యారెక్టర్ ఆర్టిస్ట్‌గా చేసిన శర్వాకు ‘గమ్యం’ బ్రేక్ ఇచ్చింది. ప్రస్థానం, రన్ రాజా రన్ చిత్రాలతో స్టార్ అయ్యాడు. మళ్లీ మళ్లీ ఇది రాని రోజులో తన నటనతో విమర్శకుల ప్రశంసలు అందుకున్నాడు. శతమానం భవతి సినిమాతో భారీ విజయాన్ని సొంతం చేసుకున్నాడు. మహానుభావుడుతో మరో మెట్టు ఎక్కాడు. ఇటీవల పరాజయాలు రావడంతో మనమేపై భారీ ఆశలు పెట్టుకున్నాడు.