Anshul Kamboj: హర్యానా స్టార్ ఫాస్ట్ బౌలర్ అన్షుల్ కాంబోజ్ ప్రస్తుత రంజీ ట్రోఫీ సీజన్‌లో కేరళపై ఒక ఇన్నింగ్స్‌లో మొత్తం 10 వికెట్లు పడగొట్టి అద్వితీయమైన ఫీట్ సాధించాడు. శుక్రవారం లాహ్లీలోని చౌదరి బన్సీ లాల్ క్రికెట్ స్టేడియంలో కేరళ, హర్యానా జట్ల మధ్య జరిగిన మ్యాచ్‌లో ఈ ఫాస్ట్ బౌలర్ ఈ అద్భుతం నమోదు చేశాడు. రంజీ ట్రోఫీలో ఒక ఇన్నింగ్స్‌లో మొత్తం 10 వికెట్లు తీసిన మూడో బౌలర్‌గా అన్షుల్ కాంబోజ్ 10 వికెట్లు తీసి చరిత్ర సృష్టించాడు. 23 ఏళ్ల బౌలర్ కేరళ బ్యాటర్స్ ను కేవలం 49 పరుగులు ఇచ్చి 10 వికెట్లు తీసుకున్నాడు. అన్షుల్ కాంబోజ్ అద్భుతమైన స్పెల్‌తో కేరళ మొదటి ఇన్నింగ్స్‌లో 291 పరుగులకు ఆలౌటైంది.
Also Read: Kanguva-Matka: కంగువా – మట్కా : మ్యూజిక్ డైరెక్టర్లదే పాపమా?
రంజీ ట్రోఫీ చరిత్రలో ఈ ఘనత సాధించిన తొలి బౌలర్ ప్రేమంగుసు మోహన్ ఛటర్జీ. ఆయన 1956-57 సీజన్‌లో బెంగాల్ తరఫున రికార్డు సృష్టించాడు. 1985-86 ఎడిషన్‌లో విదర్భతో జరిగిన మ్యాచ్‌లో రాజస్థాన్ తరఫున ప్రదీప్ సుందరం ఒక ఇన్నింగ్స్‌లో 10 వికెట్లు పడగొట్టాడు. ఓవరాల్‌గా, ఫస్ట్‌క్లాస్ క్రికెట్‌లో 10 వికెట్లు తీసిన ఆరో భారత బౌలర్‌గా కాంబోజ్ నిలిచాడు. ఈ జాబితాలో వెటరన్ లెగ్ స్పిన్నర్లు అనిల్ కుంబ్లే, సుభాష్ గుప్తే, దేబాశిష్ మొహంతీలు కూడా ఉన్నారు.
Also Read: Train Ticket Booking: ఈ యాప్‌లలో ఆఫర్స్తో కూడిన రైలు టిక్కెట్‌లను పొందవచ్చని మీకు తెలుసా?
1⃣ innings 🤝 1⃣0⃣ wickets 👏
Historic Spell 🙌
3⃣0⃣.1⃣ overs
9⃣ maidens
4⃣9⃣ runs
1⃣0⃣ wickets 🔥Watch 📽️ Haryana Pacer Anshul Kamboj's record-breaking spell in the 1st innings against Kerala 👌👌#RanjiTrophy | @IDFCFIRSTBank pic.twitter.com/RcNP3NQJ2y
— BCCI Domestic (@BCCIdomestic) November 15, 2024
ఇక అన్షుల్ కాంబోజ్ విషయానికి వస్తే.. ఒమన్‌లో ఇటీవల ముగిసిన ACC ఎమర్జింగ్ ఆసియా కప్ టోర్నమెంట్‌లో అన్షుల్ కాంబోజ్ భారతదేశం A జట్టుకు ప్రాతినిధ్యం వహించాడు. ఇండియన్ ప్రీమియర్ లీగ్ (IPL) 2024లో కాంబోజ్‌ని ముంబై ఇండియన్స్ ఎంపిక చేసుకుంది. అతను 2023 – 24లో విజయ్ హజారే ట్రోఫీని గెలుచుకోవడంలో హర్యానాకు కీలక పాత్ర పోషించాడు. ఆ టోర్నీలో 10 మ్యాచ్‌లలో 17 వికెట్లు పడగొట్టాడు. కాంబోజ్ 47 ఫస్ట్‌ క్లాస్ వికెట్లు, 23 లిస్ట్-ఎ వికెట్లు, 17 టీ20 వికెట్లు తీసుకున్నాడు.
𝐖.𝐎.𝐖! 🔥
Haryana Pacer Anshul Kamboj has taken all 1⃣0⃣ Kerala wickets in the 1st innings in #RanjiTrophy 🙌
He's just the 6th Indian bowler to achieve this feat in First-Class cricket & only the 3rd in Ranji Trophy 👏
Scorecard: https://t.co/SeqvmjOSUW@IDFCFIRSTBank pic.twitter.com/mMACNq4MAD
— BCCI Domestic (@BCCIdomestic) November 15, 2024