Harish Shankar: భవదీయుడు అందుకే ఉస్తాద్ అయ్యాడు..

Harish Shankar: హరీష్ శంకర్ అంటేనే మాస్ పల్స్ తెలిసిన దర్శకుడు ఆయన పవన్ కళ్యాణ్ వీరాభిమానిగా, పవన్ ను వెండితెరపై ఎలా చూడాలని ఫ్యాన్స్ కోరుకుంటారో సరిగ్గా అలాగే ప్రెజెంట్ చేస్తారు. అయితే, ఇటీవల ఆయన ఒక ఇంటర్వ్యూలో షేర్ చేసుకున్న ఒక ఆసక్తికరమైన విషయం ఇప్పుడు టాలీవుడ్ సర్కిల్స్‌లో హాట్ టాపిక్ అయింది. పవన్ కళ్యాణ్ కెరీర్‌లో ‘ఖుషి’ ఒక మైలురాయి, ఆ సినిమాలో సిద్ధు, మధుల మధ్య నడిచే ఇగో క్లాషెస్ ప్రేక్షకులకు బాగా నచ్చాయి. హరీష్ శంకర్ ఇదే పాయింట్‌ను తీసుకుని ఒక కథ రాసుకున్నారట, ఖుషి క్లైమాక్స్‌లో పెళ్లి చేసుకున్న సిద్ధు, మధు.. కొన్ని ఏళ్ల తర్వాత మనస్పర్థలతో విడిపోతారు. అయితే విధి వారిద్దరినీ ఒకే కాలేజీలో లెక్చరర్లుగా పని చేయాల్సి వచ్చేలా చేస్తుంది. ఒకే చోట పని చేస్తూ, ఒకరినొకరు ఎదుర్కోవాల్సి వచ్చినప్పుడు ఆ జంట మధ్య తలెత్తే ఈగోలు, పంతాలు, సున్నితమైన భావోద్వేగాల చుట్టూ ఈ స్క్రిప్ట్ సాగుతుంది, హరీష్ శంకర్ ఈ కథపై దాదాపు ఏడాది పాటు వర్క్ చేశారట. ఒక వైవిధ్యమైన లవ్ స్టోరీగా ఇది నిలుస్తుందని ఆయన భావించారు దానికి భవదీయుడు భగత్ సింగ్ అని టైటిల్ కూడా ఫిక్స్ చేశారట.

READ MORE: Shiv Pratap Shukla: గవర్నర్‌గా శివ్ ప్రతాప్ శుక్లా ప్రమాణ స్వీకారం.. తెలుగులోనే ప్రమాణం..

అయితే, చివరలో ఆయనకు ఒక చిన్న సందేహం మొదలైంది. అదేమంటే “పవన్ కళ్యాణ్ వంటి మాస్ ఇమేజ్ ఉన్న హీరో నుంచి ఫ్యాన్స్ ఏం కోరుకుంటారు? కచ్చితంగా హై-వోల్టేజ్ యాక్షన్, కమర్షియల్ ఎలిమెంట్స్ ఆశిస్తారు కానీ ఇలాంటి ‘ఈగో క్లాష్’ కథ క్లాస్ ఆడియన్స్‌కు నచ్చుతుందేమో కానీ, థియేటర్లో ఫ్యాన్స్ ఆశించే పవర్‌ఫుల్ ఎలిమెంట్స్ ఇందులో తక్కువగా ఉన్నాయని అనిపించిందట. ఈ క్రమంలోనే ఫ్యాన్స్ అంచనాలను దృష్టిలో పెట్టుకుని, రిస్క్ చేయడం ఇష్టం లేక హరీష్ ఆ క్లాసిక్ లవ్ స్టోరీని పక్కన పెట్టేశారు, దాని స్థానంలో పూర్తి స్థాయి కమర్షియల్ ఎంటర్టైనర్‌గా ‘ఉస్తాద్ భగత్ సింగ్’ కథను సిద్ధం చేశారు. ఇందులో పవన్ కళ్యాణ్ గబ్బర్ సింగ్ తరహాలో పవర్‌ఫుల్ పోలీస్ ఆఫీసర్‌గా కనిపించబోతున్నారు. అయితే ఒకవేళ పవన్ కళ్యాణ్, భూమిక మళ్ళీ లెక్చరర్లుగా కనిపించి ఉంటే ఆ మ్యాజిక్ మరోలా ఉండేదేమో! కానీ హరీష్ శంకర్ మాత్రం ఫ్యాన్స్ కోరుకునే ‘పూనకాలు’ ఇచ్చేందుకే మొగ్గు చూపారు.