Hardik Pandya: అహ్మదాబాద్లోని నరేంద్ర మోడీ స్టేడియం వేదికగా జరిగిన ఐదో టీ20 మ్యాచ్లో భారత జట్టు అద్భుత విజయం సాధించింది. టాస్ ఓడి ముందుగా బ్యాటింగ్ చేసిన భారత్ 20 ఓవర్లలో 5 వికెట్లకు 231 పరుగులు చేసి భారీ స్కోరు నమోదు చేసింది. సౌతాఫ్రికా 20 ఓవర్లలో 8 వికెట్ల నష్టానికి 201 పరుగులకే పరిమితమైంది. ఈ మ్యాచ్లో హార్దిక్ పాండ్యా అద్భుతంగా బ్యాటింగ్ చేశాడు. కేవలం 16 బంతుల్లో తన ఏడవ T20 అంతర్జాతీయ అర్ధ సెంచరీని పూర్తి చేసుకున్నాడు.
READ MORE: IND Vs SA : హార్దిక్ మెరుపులు, వరుణ్ మ్యాజిక్.. సౌతాఫ్రికాపై 3-1తో టీ20 సిరీస్ కైవసం…
హార్దిక్ పాండ్యా 5వ స్థానంలో బ్యాటింగ్ కు వచ్చేసరికి, భారత్ అభిషేక్ శర్మ, సంజు సామ్సన్, సూర్యకుమార్ యాదవ్ వికెట్లను కోల్పోయింది. హార్దిక్ వచ్చిన వెంటనే దూకుడుగా ఆడాడు. తన ఇన్నింగ్స్ లోని మొదటి బంతికే సిక్స్ కొట్టాడు. ఆ తర్వాత హార్దిక్ పాండ్యా దక్షిణాఫ్రికా స్పిన్నర్ జార్జ్ లిండే బౌలింగ్లో విధ్వంసం సృష్టించాడు. లిండే వేసిన ఓవర్లో రెండు ఫోర్లు, రెండు సిక్సర్లు బాది 27 పరుగులు చేశాడు. కార్బిన్ బాష్ వేసిన ఓవర్లో హార్దిక్ పాండ్యా రెండు సిక్సర్లు, ఒక ఫోర్ కొట్టి అర్ధ సెంచరీ సాధించాడు. అర్ధ సెంచరీ సాధించిన తర్వాత.. హార్దిక్ తన బ్యాట్ పైకెత్తి తన స్నేహితురాలు మహికా శర్మకు ఫ్లయింగ్ కిస్ ఇచ్చి సంబరాలు చేసుకున్నాడు. ఆమె స్టాండ్స్లో ఉత్సాహంగా కనిపించింది. ఈ క్లిప్ ప్రస్తుతం సోషల్ మీడియాలో వైరల్గా మారింది.
READ MORE: Gurram Paapi Reddy Review: గుర్రం పాపిరెడ్డి రివ్యూ
అయితే.. ఈ మ్యాచ్కి ముందే టీం ఇండియా స్టార్ ఆల్ రౌండర్ హార్దిక్ పాండ్యా వార్తల్లో నిలిచాడు. తన ప్రేమ జీవితానికి వార్తల్లో నిలిచాడు. అహ్మదాబాద్ టీ20కి ముందు, హార్దిక్ పాండ్యా వీడియో సోషల్ మీడియాలో వైరల్ అయ్యింది. అతను తన స్నేహితురాలు మహికా శర్మతో కలిసి మ్యాచ్కు వచ్చాడు. హార్దిక్ పాండ్యా ఇప్పుడు మహికాతో తన సంబంధాన్ని అధికారికంగా ప్రకటించాడు. ఇటీవల, సోషల్ మీడియాలో తనపై చేసిన వీడియోల కోసం పాపరాజీని విమర్శించాడు. దక్షిణాఫ్రికాతో జరిగిన టీ20 సిరీస్లో నాల్గవ మ్యాచ్ చెడు వాతావరణం కారణంగా ఆడలేకపోయింది. హార్దిక్ పాండ్యా లక్నోలో తన స్నేహితురాలు మహికాతో ఉన్నాడు. అక్కడి నుంచి ఇద్దరూ ఫైనల్ మ్యాచ్ కోసం అహ్మదాబాద్కు చేరుకున్నారు. అహ్మదాబాద్లో ఇద్దరూ చెక్కర్లు కొట్టిన వీడియో నెటిజన్లను ఆకట్టుకుంది.
Hardik Pandya's flying kiss steals the show!
Spotted with girlfriend Mahieka Sharma cheering wildly from the stands – goals! 💗#HardikPandya #INDvSA pic.twitter.com/6Rq3iBtEtJ
— Pintu Singh #MSD #THALA#SidHeart💞💞#CSK Forever (@pintusi11376418) December 19, 2025
