HanuMan : థర్డ్ సింగిల్ పై అప్డేట్ ఇచ్చిన మేకర్స్..

యంగ్ హీరో తేజ సజ్జా నటిస్తున్న లేటెస్ట్ మూవీ హనుమాన్..అ!, ‘కల్కి’ మరియు ‘జాంబీ రెడ్డి’ సినిమాలతో విభిన్న దర్శకుడిగా పేరు తెచ్చుకున్న ప్రశాంత్ వర్మ ఈ చిత్రాన్ని తెరకెక్కిస్తున్నాడు.. ఇక ఈ మూవీ తొలి తెలుగు సూపర్ హీరో సినిమాగా రానుంది. భారతీయ ఇతిహాసాల్లోని హనుమంతుని కథ స్ఫూర్తితో ఈ సినిమాను రూపొందిస్తున్నట్టు తెలుస్తుంది.. ఇక సూపర్ హీరో సిరీస్‌గా తెరకెక్కుతోన్న ఈ సినిమా నుంచి ఇప్పటికే విడుదల చేసిన టీజర్‌ హాలీవుడ్ స్థాయి విజువల్స్‌తో అందరినీ  ఇంప్రెస్‌ చేస్తోంది. గ్లోబల్ వైడ్ గా ప్రేక్షకులను ఆకట్టుకునే హై టెక్నికల్‌ వాల్యూస్‌తో కట్‌ చేసిన విజువల్స్‌ సినిమాపై అంచనాలు భారీగా పెంచేస్తున్నాయి. కాగా రీసెంట్‌గా ఈ సినిమా నుంచి సెకండ్ సింగిల్ విడుదల చేయగా ప్రేక్షకులను ఎంతగానో ఆకట్టుకుంది.

ఇదిలా ఉంటే.. తాజాగా ఈ సినిమా నుంచి థర్డ్ సింగిల్ అప్‌డేట్‌ను ఇచ్చారు మేకర్స్.ఈ మూవీ నుంచి థర్డ్ సింగిల్‌ను నవంబర్ 28 న విడుదల చేయనున్నట్లు చిత్రంబృందం సోషల్ మీడియాలో తెలిపింది. దీనితో పాటు హనుమాన్ నుంచి కొత్త పోస్టర్‌ను కూడా విడుదల చేసారు.ఇక ఈ చిత్రాన్ని మేకర్స్ 2024 జనవరి 12 న తెలుగు, హిందీ, మరాఠీ, తమిళం, కన్నడ, మలయాళం, ఇంగ్లీష్, స్పానిష్, కొరియన్, చైనీస్, జపనీస్తో సహా పలు భారతీయ భాషల్లో గ్రాండ్‌గా విడుదల చేయనున్నారు. శ్రీమతి చైతన్య సమర్పణలో తెరకెక్కుతున్న ఈ చిత్రానికి అస్రిన్‌ రెడ్డి ఎగ్జిక్యూటివ్‌ ప్రొడ్యూసర్‌గా, వెంకట్‌ కుమార్‌ జెట్టీ లైన్‌ ప్రొడ్యూసర్‌గా అలాగే కుశాల్‌ రెడ్డి అసోసియేట్‌ ప్రొడ్యూసర్‌గా వ్యవహరిస్తున్నారు. హనుమాన్‌ చిత్రానికి గౌరహరి-అనుదీప్‌ దేవ్‌ మరియు కృష్ణ సౌరభ్‌ సంగీతం అందిస్తున్నారు. ఈ చిత్రంలో తేజ సజ్జ సరసన అమృత అయ్యర్ హీరోయిన్ గా నటిస్తుంది., వినయ్ రాయ్ విలన్గా, వరలక్ష్మి శరత్కుమార్, గెటప్ శ్రీను, సత్య, రాజ్ మరియు దీపక్ శెట్టి తదితరులు ముఖ్య పాత్రలలో కనిపించనున్నారు.