Gunturu Karam: రికార్డ్ సృష్టించిన ‘కుర్చీని మడతపెట్టి’ సాంగ్‌.. ఏకంగా..

మహేష్ బాబు, శ్రీలీల హీరో హీరోయిన్లుగా త్రివిక్రమ్‌ దర్శకత్వంలో తెరకెక్కిన సూపర్ హిట్ చిత్రం ‘గుంటూరు కారం’. ఈ సినిమా మొదట్లో మిక్స్డ్ టాక్ వినిపించిన రాను రాను సినిమాపై మంచి అభిప్రాయంతో ప్రేక్షకులు వీక్షించారు. అయితే ఈ సినిమాను లాంగ్ రన్ లో ఫ్యామిలీ ఆడియన్స్ బాగానే ఆదరించారు. ఇకపోతే ఈ సినిమా బాక్స్ ఆఫీస్ వద్ద రూ. 175 కోట్లు కొల్లగొట్టి రికార్డులను సృష్టించింది. ఇక అసలు విషయం చూస్తే..

Also Read: Viral Video: ఏంట్రా ఇలా తయారయ్యారు.. పెళ్ళిచేయడానికి వచ్చిన పంతులను ఏకంగా..

గుంటూరు కారం సినిమాలోని ‘కూర్చుని మడతపెట్టి’ పాట లక్షల వ్యూస్ తో రికార్డులను క్రియేట్ చేస్తుంది. సినిమా రిలీజ్ కాకముందు నుంచి ఈ పాటపై పెద్ద ఎత్తున అంచనాలు నెలకొన్న నేపథ్యంలో.. సినిమా రిలీజ్ అయ్యాక కూడా ఈ పాటకు మంచి మార్కులు పడ్డాయి. ముఖ్యంగా ఈ పాటలో శ్రీలీల, మహేష్ బాబు చేసిన డాన్స్ అందరిని అలరించింది. శ్రీకృష్ణ, సాహతి చాగంటిలు పాడిన ఈ పాట విడుదలైనప్పటి నుంచి ఇప్పటివరకు కొన్ని కోట్ల రీల్స్ లో వాడడం జరిగింది. ఇకపోతే తాజాగా యూట్యూబ్లో ఈ పాట 200 మిలియన్ల మార్కును చేరుకుంది.

Also Read: Seethakka: నా పేరుతో వసూళ్లు చేస్తున్నారని ఆరోపించారు.. ఆధారాలు బయట పెట్టండి..

దీంతో మహేష్ బాబు కెరియర్ లోనే అత్యధిక వ్యూస్ సాధించిన రెండో పాటగా ఈ పాట రికార్డుకు ఎక్కింది. ఇక ఈ లిస్టులో మహేష్ బాబు నటించిన ‘సర్కార్ వారి పాట’ సినిమా నుంచి ‘కళావతి’ సాంగ్ మొదటి స్థానంలో 245 మిలియన్ వ్యూస్ సాధించి మొదటి ప్లేస్ లో ఉంది. ప్రస్తుతం ఈ పాట 200 మిలియన్ వ్యూస్ సాధించడంతో రెండో స్థానంలో నిలబడింది. చూడాలి ఇంకా ముందు ముందు ఈ పాటను ఎంతమంది వీక్షిస్తారో.