పటాన్చెరు ఎమ్మెల్యే గూడెం మహిపాల్రెడ్డి తన నియోజకవర్గానికి చెందిన 500 మంది డబుల్ బెడ్రూమ్ ఇళ్ల లబ్ధిదారులతో సమావేశమయ్యారు. గ్రేటర్ హైదరాబాద్ మున్సిపల్ కార్పొరేషన్ (జీహెచ్ఎంసీ) పరిధిలోని 11,700 మంది లబ్ధిదారులకు 2-బీహెచ్కే ఇళ్లను అందజేయడంలో భాగంగా రాష్ట్ర ప్రభుత్వం పటాన్చెరు నియోజకవర్గానికి 500 ఇళ్లను కేటాయించింది. సంగారెడ్డి కలెక్టర్ ఏ శరత్ క్షుణ్ణంగా పరిశీలించి 500 మంది లబ్ధిదారులను ఎంపిక చేశారు. పట్టా అందజేసేందుకు ఒకరోజు ముందుగా లబ్ధిదారులను ఎమ్మెల్యే శుక్రవారం సాయంత్రం తన క్యాంపు కార్యాలయానికి ఆహ్వానించి వారితో మాట్లాడారు.
Also Read : Minister Amarnath: మానవత్వం చాటుకున్న మంత్రి గుడివాడ అమర్నాథ్
ఈ సందర్భంగా రెడ్డి మాట్లాడుతూ ముఖ్యమంత్రి కే చంద్రశేఖర్రావు ఒక్కొక్కరికి రూ.50 లక్షలతో డబుల్ బెడ్రూం ఇళ్లు అందజేస్తున్నారన్నారు. శనివారం ఆర్థిక మంత్రి టీ హరీశ్రావు చేతుల మీదుగా ఇంటి పట్టాలు అందజేస్తామని చెప్పిన ఎమ్మెల్యే.. తన సొంత ఖర్చులతో 10 వేల మందికి మధ్యాహ్న భోజనం ఏర్పాటు చేయనున్నట్లు తెలిపారు. ఈ లబ్ధిదారులకు కొల్లూరు 2-బీహెచ్కే కాలనీలో ఇళ్లు లభిస్తాయి. పటాన్చెరు నియోజకవర్గంలోని జీహెచ్ఎంసీ కార్పొరేటర్లు మెట్టు కుమార్ యాదవ్, బూరుగుగడ్డ పుష్పా నగేష్ యాదవ్, వీ సింధు ఆదర్శ్ రెడ్డి తదితరులు పాల్గొన్నారు.
Also Read : Ravi Shankar Prasad: రాహుల్ గాంధీ చైనా అధికార ప్రతినిధిగా మారారా?