ఆధునిక జీవితంలో ఆర్టిఫిషియల్ ఇంటెలిజెన్స్ (AI) రోజువారీ పనులను మార్చేస్తోంది. మొబైల్ ఫోన్లు, స్మార్ట్వాచ్లు వంటివి ఇప్పటికే మన చుట్టూ ఉన్నాయి. కానీ ఇప్పుడు, గూగుల్ కొత్త AI గ్లాసెస్తో మరో అడుగు వేస్తోంది. ఈ స్మార్ట్ గ్లాసెస్లు మన కళ్ల ముందు ప్రపంచాన్ని మరింత సులభంగా, ఆకర్షణీయంగా చేస్తాయి. 2026లో విడుదల కాబోయే ఈ గ్లాసెస్లు గూగుల్ జెమిని AIతో పనిచేస్తాయి. మన చుట్టూ ఉన్న పరిస్థితులను అర్థం చేసుకుని సహాయం అందిస్తాయి. గూగుల్ AI పవర్డ్ గ్లాసెస్ కొత్త సంవత్సరం అంటే 2026 లో విడుదల కానున్నాయి.
Also Read:Benefits of Barley Water: డయాబెటిస్ నివారణకు బార్లీ ఎంతగా ఉపయోగపడుతుందో తెలుసా..
ఇవి తేలికైన గ్లాసెస్. ఆండ్రాయిడ్ XR ప్లాట్ఫామ్పై రన్ అవుతాయి. స్మార్ట్ గ్లాసెస్ను అభివృద్ధి చేయడానికి కంపెనీ సామ్ సంగ్, జెంటిల్ మాన్స్టర్, వార్బీ పార్కర్లతో కలిసి పనిచేస్తోంది. గూగుల్ రెండు రకాల స్మార్ట్ గ్లాసెస్ను అభివృద్ధి చేస్తోంది. ఒకటి స్పీకర్, మైక్రోఫోన్, కెమెరాతో వాయిస్కు మాత్రమే మద్దతు ఇస్తుంది, కానీ డిస్ప్లేకు మద్దతు ఇవ్వదు. మరొకటి లెన్స్ లోపల నావిగేషన్, అనువాదం వంటి వాటిని చూపించే డిస్ప్లేను కలిగి ఉంటుంది.
Also Read:Free Bus Scheme: మహా లక్ష్మీ పథకానికి రెండేళ్లు.. ఇప్పటికే 251 కోట్ల ఉచిత ప్రయాణాలు..
ఈ గ్లాసెస్లు మొబైల్ ఫోన్తో కనెక్ట్ అవుతాయి, రోజంతా ధరించడానికి సౌకర్యవంతంగా ఉంటాయి. ప్రెస్క్రిప్షన్ లెన్స్లు కూడా అందుబాటులో ఉంటాయి. స్మార్ట్ గ్లాసెస్ మార్కెట్ వేగంగా పెరుగుతోంది. మెటా రే-బ్యాన్ గ్లాసెస్లు ఇప్పటికే సక్సెస్ అయ్యాయి. ఆపిల్ విజన్ ప్రో వంటి హెడ్సెట్లు ప్రీమియం స్థాయిలో ఉన్నాయి. స్నాప్, అలీబాబా వంటి కంపెనీలు కూడా పోటీ పడుతున్నాయి.