Gas vs Electric Geyser: చలికాలంలో ప్రతి ఒక్కరికి వేడినీరు అవసరం. దీని కోసం మీకు మంచి వాటర్ హీటర్ అవసరం. కానీ, వాటర్ హీటర్ కొనే సమయంలో సందిగ్ధంలో ఉంటారు. ముందర చాలా అప్షన్స్ ఉన్నప్పుడు, ఏది ఎంచుకోవాలో మీరు ఆలోచించడం చాలా ముఖ్యం. మార్కెట్లో రెండు రకాల వాటర్ హీటర్లు గ్యాస్ గీజర్, ఎలక్ట్రిక్ గీజర్ అందుబాటులో ఉన్నాయి. వీటిలో దేనిని ఎంచుకోవాలో సమాచారం ఉండటం ముఖ్యం. గ్యాస్ గీజర్లు తక్షణమే నీటిని వేడి చేయడానికి LPGని ఉపయోగిస్తాయి. ఇంట్లో 4 లేదా 5 లేదా అంతకంటే ఎక్కువ మంది సభ్యులు ఉన్న పెద్ద కుటుంబాలకు ఇవి ఎక్కువగా సరిపోతాయి.
Also Read: Nandyal Crime: యాగంటి క్షేత్రంలో విషాదం.. పందెం ముసుగులో ప్రాణాలు తీసిన స్నేహితులు..!
మరోవైపు, ఎలక్ట్రిక్ గీజర్లు నీటిని వేడి చేయడానికి విద్యుత్తును ఉపయోగిస్తాయి. సాధారణంగా గ్యాస్ కంటే ఇవి సురక్షితమైనవి. వీటి ఇన్స్టాలేషన్ కూడా చాలా సులభం. బడ్జెట్‌కు అనుగుణంగా పలు మోడల్స్‌లో ఇవి అందుబాటులో ఉన్నాయి. నిజానికి ఎలక్ట్రిక్ గీజర్లు ఏ ఇంటికి అయినా మంచి ఎంపిక. అవి గ్యాస్ వాటి కంటే మంచి సామర్థ్యాన్ని కలిగి ఉంటాయి. ఇది వాటిని ప్రతి ఒక్కరికీ నమ్మదగిన, మంచి ఎంపికగా చేస్తుంది. కాకపోతే, అవి కొంచెం ఖరీదైనవి. అయితే, తర్వాత చాలా తక్కువ నిర్వహణ అవసరం. గ్యాస్ లీకేజ్ లేదా షాక్ రెసిస్టెన్స్ విషయంలో కూడా ఇవి సురక్షితమైన ఎంపిక. ఒకేసారి పెద్ద మొత్తంలో వేడి నీటి అవసరం లేని చిన్న ఇళ్లలో ఇవి బాగా ప్రాచుర్యం పొందాయి. కానీ ఎక్కువ మంది ప్రజలు నివసించే, అలాగే ఎక్కువ నీరు అవసరమయ్యే గృహాలకు గ్యాస్ వాటర్ హీటర్లు మంచి ఎంపిక.