బాలీవుడ్‌లో వచ్చిన పాపులర్ కామెడీ మూవీస్ లో ఫుక్రే మూవీ ఒకటి. బాలీవుడ్‌లో ఇప్పటికే రెండు భాగాలుగా వచ్చి హిట్ కొట్టిన ఈ మూవీ తాజాగా మూడో భాగం ఫుక్రే 3 ప్రేక్షకుల ముందుకు వచ్చింది.గతంలో తెరకెక్కిన ఫుక్రే, ఫుక్రే రిటర్న్స్ కూడా మంచి సక్సెస్ సాధించాయి. ఇక సెప్టెంబర్ 28న రిలీజైన ఈ ఫుక్రే 3 మూవీ కి కూడా ప్రేక్షకుల నుంచి మంచి ఆదరణ లభించింది. ఈ సినిమా కమర్షియల్ గా కూడా మంచి సక్సెస్ సాధించింది. ఈ సినిమా సుమారు రూ.100 కోట్ల వరకూ వసూలు చేసింది. ఈ మధ్యే బాలీవుడ్ లో రిలీజై బాక్సాఫీస్ దగ్గర సుమారు రూ.100 కోట్లు కలెక్ట్ చేసిన ఫుక్రే 3 గురువారం (నవంబర్ 23) ఓటీటీ ప్రేక్షకుల ముందుకు వచ్చింది.
థియేటర్లలో రిలీజైన సుమారు రెండు నెలల తర్వాత ఈ మూవీ ఓటీటీ లోకి అడుగుపెట్టింది . అమెజాన్ ప్రైమ్ వీడియోలో ఈ సినిమా స్ట్రీమ్ అవుతోంది.ఫుక్రే 3 మూవీ ఔట్ అండ్ ఔట్ కామెడీ మూవీ గా తెరకెక్కింది.. పుల్కిత్ సామ్రాట్, వరుణ్ శర్మ, రిచా చద్దా, పంకజ్ త్రిపాఠీ మరియు మన్‌జోత్ సింగ్ ముఖ్యమైన పాత్రలు పోషించారు. మిర్ఘ్‌దీప్ సింగ్ లాంబా ఈ కామెడీ డ్రామాను తెరకెక్కించారు.. ప్రముఖ డైరెక్టర్ ఫర్హాన్ అక్తర్ మరియు రితేష్ సిద్వానీ కలిసి ఎక్సెల్ ఎంటర్‌టైన్మెంట్ బ్యానర్ లో ఈ ఫుక్రే 3 మూవీని నిర్మించారు. ఈ సినిమా సెప్టెంబర్ 7 నే విడుదల కావాల్సింది. అయితే షారుక్ ఖాన్ నటించిన జవాన్ మూవి రిలీజ్ ఉండటం తో డిసెంబర్ 1కు వాయిదా వేశారు.. మళ్లీ సెప్టెంబర్ 27 న రిలీజ్ కావాల్సిన సలార్ వాయిదా పడటంతో సెప్టెంబర్ 28న ఈ మూవీ రిలీజ్ చేశారు. ఈ కామెడీ మూవీ ప్రేక్షకులను ఎంతగానో ఆకట్టుకుంది.