మీరు ICICI బ్యాంక్ క్రెడిట్ కార్డును ఉపయోగిస్తున్నారా? సినిమా టిక్కెట్లు, ప్రయాణం లేదా డిజిటల్ చెల్లింపులపై అందించే ప్రయోజనాలకు అలవాటు పడ్డారా? అయితే మీకు బిగ్ షాక్. ఫిబ్రవరి 1, 2026 నుండి, ICICI బ్యాంక్ తన క్రెడిట్ కార్డ్ నియమాలలో కీలక మార్పులు చేయబోతోంది. ఈ మార్పుల ప్రకారం, కొన్ని ప్రసిద్ధ ఫీచర్లు పూర్తిగా నిలిచిపోనున్నాయి. మరికొన్నింటిపై కొత్త షరతులు, అదనపు ఛార్జీలు విధించనున్నారు. ఇది లక్షలాది మంది కార్డ్ హోల్డర్ల జేబులపై ప్రత్యక్ష ప్రభావాన్ని చూపుతుందని బ్యాంక్ చెబుతోంది.
Also Read:Top Headlines @ 5 PM: టాప్ న్యూస్
BookMyShow సినిమా ప్రయోజనాలు బంద్
ICICI బ్యాంక్ తన కొన్ని కార్డులపై అందించే ఉచిత సినిమా టికెట్ ప్రయోజనాన్ని ముగించాలని నిర్ణయించింది. ఫిబ్రవరి 1 నుండి, BookMyShow ద్వారా ICICI బ్యాంక్ ఇన్స్టంట్ ప్లాటినం చిప్ క్రెడిట్ కార్డ్, ICICI బ్యాంక్ ఇన్స్టంట్ ప్లాటినం క్రెడిట్ కార్డ్పై అందించే కాంప్లిమెంటరీ మూవీ ప్రయోజనం నిలిచిపోనుంది. దీని అర్థం ఈ కార్డులు ఇకపై ఉచిత లేదా డిస్కౌంట్ సినిమా టిక్కెట్ల ప్రయోజనాలను అందించవు.
బీమా, రవాణా ఖర్చులపై
ICICI బ్యాంక్ HPCL సూపర్ సేవర్ క్రెడిట్ కార్డ్ వినియోగదారులు బీమా చెల్లింపులపై రివార్డ్ పాయింట్లను పొందడం కొనసాగిస్తారు, కానీ పరిమితి రూ.40,000కి విధించారు. ట్రాన్స్ పోర్ట్ బిజినెస్ సెక్షన్ లో ఖర్చు చేయడం వల్ల కార్డ్ రకాన్ని బట్టి రూ.10,000 నుండి రూ.40,000 వరకు రివార్డ్ పాయింట్లు కూడా లభిస్తాయి.
ఆన్లైన్ గేమింగ్, వాలెట్ లోడింగ్పై ఛార్జీలు
ICICI బ్యాంక్ కూడా కొన్ని లావాదేవీలకు కొత్త ఛార్జీలను ప్రకటించింది, ఇవి జనవరి 15, 2026 నుండి అమలులోకి వస్తాయి. Dream11, MPL, Junglee Games, Rummy Culture వంటి ఆన్లైన్ గేమింగ్ ప్లాట్ఫామ్లలో చేసే చెల్లింపులకు ఇప్పుడు 2% రుసుము విధించనున్నారు. అదనంగా, Amazon Pay, Paytm, MobiKwik వంటి థర్డ్-పార్టీ వాలెట్లు రూ.5,000 లేదా అంతకంటే ఎక్కువ లావాదేవీలకు 1% ఛార్జీ విధించనున్నారు.
Also Read:Katasani Ram Bhupal Reddy: పవన్ కల్యాణ్పై కాటసాని హాట్ కామెంట్స్..
రవాణాకు సంబంధించిన కొన్ని భారీ చెల్లింపులు కూడా అదనపు ఛార్జీలకు లోబడి ఉంటాయి. ట్రాన్స్ పోర్ట్ బిజినెస్ సెక్షన్ లో లావాదేవీ రూ.50,000 దాటితే, అదనంగా 1% ఫీజు వసూలు చేయనున్నారు.