Delhi Airport : ఢిల్లీలోని ఇందిరాగాంధీ అంతర్జాతీయ విమానాశ్రయంలో తెల్లవారుజామున ఘోర ప్రమాదం జరిగింది. ఈ ప్రమాదంలో ఆరుగురు గాయపడ్డారు. భారీ వర్షం మధ్య టెర్మినల్-1లో ఒక్కసారిగా మంటలు చెలరేగాయి. మంటలు చెలరేగిన వెంటనే, విమానాశ్రయం పైకప్పు కూలిపోవడంతో చాలా వాహనాలు శిథిలాల కింద చిక్కుకున్నాయి. పోలీసులు, అగ్నిమాపక శాఖ మూడు వాహనాలు ఘటనాస్థలికి చేరుకున్నాయి. రెస్క్యూ ఆపరేషన్ ప్రారంభించారు.
Read Also:Elephant Attack : మేఘాలయలో ఏనుగుల గుంపు దాడి.. ఎస్ఐ మృతి, కానిస్టేబుల్‌కు గాయాలు
ఈ ప్రమాదం తెల్లవారుజామున 5.30 గంటలకు జరిగినట్లు సమాచారం. ఈ ప్రమాదంలో విమానాశ్రయం పైకప్పు కూలిపోవడంతో పలు వాహనాలు కింద పడి ఆరుగురు గాయపడ్డారు. క్షతగాత్రులందరినీ రక్షించి ఆసుపత్రికి తరలించారు. అతడికి చికిత్స కొనసాగుతోంది. ప్రమాదం తర్వాత, దేశీయ విమానాశ్రయ టెర్మినల్ వెలుపల ట్రాఫిక్ జామ్ ఏర్పడింది. చాలా వరకు వాహనాలు బారులు తీరుతున్నాయి. ప్రస్తుతం పోలీసులు అగ్నిప్రమాదం ఎలా జరిగిందనే కోణంలో దర్యాప్తు చేస్తున్నారు. టెర్మినల్ పైకప్పు ఎలా కూలిపోయిందో తెలుసుకునే ప్రయత్నం చేస్తున్నారు.
Read Also:Tirumala Rush: తిరుమలలో కొనసాగుతున్న భక్తుల రద్దీ.. శ్రీవారి దర్శనానికి 18 గంటల సమయం..
ఢిల్లీ ఫైర్ సర్వీస్ అధికారి ఒకరు మాట్లాడుతూ, “ఉదయం 5.30 గంటలకు, ఢిల్లీ విమానాశ్రయంలోని టెర్మినల్-1 వద్ద పైకప్పు కూలిపోవడం గురించి మాకు సమాచారం అందింది. ఘటనాస్థలికి మూడు అగ్నిమాపక వాహనాలను పంపించారు. అక్కడ మంటలు చెలరేగినట్లు గుర్తించారు. దీని తరువాత, విమానాశ్రయం పైకప్పు ఒక భాగం కూలిపోయింది. కింద పెద్ద సంఖ్యలో వాహనాలు నిలిచిపోయాయి. పలు వాహనాలు పైకప్పు శిథిలాల కింద కూరుకుపోయాయి. ఈ ఘటనలో ఆరుగురికి గాయాలయ్యాయి. వారిని రక్షించి సమీపంలోని ఆస్పత్రికి తరలించాం.