Gunfire : ఫిన్లాండ్లోని ఓ ప్రాథమిక పాఠశాలలో జరిగిన కాల్పుల్లో ఒక చిన్నారి మృతి చెందగా, మరో ఇద్దరు తీవ్రంగా గాయపడ్డారు. మంగళవారం ఫిన్నిష్ రాజధాని వెలుపల ఉన్న పాఠశాలలో ముగ్గురు 12 ఏళ్ల పిల్లలపై కాల్పులు జరిగాయి. బాధితులలో ఒకరు మరణించారు. దాడికి పాల్పడినట్లు అనుమానంతో 12 ఏళ్ల తోటి విద్యార్థిని అదుపులోకి తీసుకున్నట్లు పోలీసులు తెలిపారు. కాల్పుల ఘటన అనంతరం బాధితులను ఆస్పత్రికి తరలించినట్లు పోలీసు అధికార ప్రతినిధి తెలిపారు. పాఠశాల వద్ద ఓ భవనాన్ని పోలీసులు చుట్టుముట్టారు. తల్లిదండ్రులు తమ పిల్లలను వందల మీటర్ల (గజాల) దూరంలో ఉన్న మరొక పాఠశాల భవనం నుండి తీసుకువెళుతున్నారు. ప్రస్తుతం నిందితులు ఎవరూ లేరని పోలీసులు తెలిపారు.
విర్టోలా స్కూల్లో కాల్పులు
సోషల్ మీడియాలో సర్క్యులేట్ అవుతున్న వీడియోలో నిందితుడిగా అనుమానిస్తున్న వ్యక్తి ఇద్దరు పోలీసులు ఎదుట రహదారిపై మోకరిల్లినట్లు చూపించింది. ఇద్దరు బాధితుల పరిస్థితికి సంబంధించిన వివరాలు విడుదల కాలేదు. హెల్సింకి శివారు వంతాలోని విర్టోలా పాఠశాలలో కాల్పులు జరిగాయి. ఇందులో ఒకటి నుండి తొమ్మిదో తరగతి వరకు సుమారు 800 మంది విద్యార్థులు, 90 మంది సిబ్బంది ఉన్నారు.
Read Also:Police Encounters: రెండు ఎన్కౌంటర్స్ లో 12 మంది మావోయిస్టుల మృతి..!
కాల్పులు జరిగిన తర్వాత తన కుమార్తె నుండి తనకు మెసేజ్ వచ్చిందని 11 ఏళ్ల విద్యార్థి తల్లి అంజా హితమిజ్ చెప్పారు. తమను చీకటి తరగతి గదిలో బంధించారని, ఫోన్లో మాట్లాడేందుకు వీలు లేదని, మెసేజ్లు పంపవచ్చని తన కుమార్తె చెప్పిందని ఆమె వాపోయింది. ఆ సమయంలో తన కూతురు భయంతో వణికి పోతుందని చెప్పింది.
ఫిన్లాండ్లో కాల్పుల ఘటనలు
* ఫిన్లాండ్లో గతంలో జరిగిన పాఠశాల కాల్పులు తుపాకీ విధానంపై దృష్టి సారించాయి. 2007లో పెక్కా-ఎరిక్ ఆవినెన్ హెల్సింకి సమీపంలోని జోకెలా హైస్కూల్లో ఆరుగురు విద్యార్థులను, స్కూల్ నర్సు, ప్రిన్సిపాల్, తనను తాను తుపాకీతో కాల్చుకుని చనిపోయాడు.
* 2008లో మరొక విద్యార్థి వాయువ్య ఫిన్లాండ్లోని కౌహజోకిలోని ఒక వృత్తి విద్యా పాఠశాలలో కాల్పులు జరిపాడు. తుపాకీని తనవైపు తిప్పుకునేలోపే అతను తొమ్మిది మంది విద్యార్థులను, ఒక పురుష సిబ్బందిని చంపాడు.
* ఫిన్లాండ్ 2010లో తన తుపాకీ చట్టాలను కఠినతరం చేసింది. లైసెన్స్ దరఖాస్తుదారులందరికీ అర్హత పరీక్షను ప్రవేశపెట్టింది. దరఖాస్తుదారుల వయోపరిమితిని కూడా 18 నుంచి 20కి మార్చారు. 5.6 మిలియన్ల జనాభా ఉన్న దేశంలో 1.5 మిలియన్లకు పైగా లైసెన్స్ పొందిన ఆయుధాలు, సుమారు 430,000 లైసెన్స్ హోల్డర్లు ఉన్నారు.
Read Also:Chandrababu: నేటి నుంచి చంద్రబాబు రెండో విడత ప్రజాగళం యాత్ర.. షెడ్యూల్ ఇదే!
