Chiken Curry : కోడి కూర.. కొడుకును చంపేలా చేసింది
Chiken Curry : కోడి కూర కోసం తండ్రీకొడుకుల మధ్య గొడవ జరిగింది. ఈ వివాదంలో తండ్రి కొడుకును బలితీసుకుండు. ఇంట్లో వండిన కోడి కూర మొత్తం తండ్రి తినేయడంతో కొడుకు గొడవకు దిగాడు. ఈ విషయంలో ఇరువురి మధ్య వాగ్వాదం జరిగింది. ఇది చివరకు ఘర్షణకు దారితీసింది. కోపంతో ఊగిపోయిన తండ్రి ఇంటిలో ఉన్న కర్రతో కొడుకు తల పగులగొట్టాడు. తీవ్రంగా గాయపడిన కుమారుడు అక్కడికక్కడే చనిపోయాడు. ఈ షాకింగ్ ఘటన కర్ణాటకలోని దక్షిణ కన్నడ జిల్లా సూళ్య తాలూకా మోగ్ర గ్రామంలో మంగళవారం రాత్రి చోటుచేసుకుంది. చనిపోయిన యువకుడి పేరు శివరామ్. శివరామ్కు భార్య, ఇద్దరు పిల్లలు ఉన్నారు. తన తండ్రి పేను షీనా. శివరామ్ కాంట్రాక్టర్గా పనిచేస్తున్నాడు.
Read Also: Cunning Friend : ఫ్రెండ్ అని నమ్మితే.. పెళ్లికి పనికి రాకుండా చేశాడు
మంగళవారం పనిమీద బయటకు వెళ్లిన శివరామ్ రాత్రి ఇంటికి తిరిగొచ్చాడు. ఇంట్లో కోడి మాంసం వండగా.. కుమారుడికి వదిలి పెట్టకుండా తండ్రి మొత్తం తినేశాడు. ఈ విషయమై తండ్రితో శివరామ్ గొడవ పడ్డాడు. ఇరువురి మధ్య మాటామాటా పెరిగింది. గొడవకు దారి తీసింది. కోపంతో ఊగిపోయిన షీనా.. పక్కనే ఉన్న దుడ్డుకర్ర తీసుకుని కుమారుని తలపై కొట్టాడు. దీంతో తీవ్రంగా గాయపడి శివరామ్ అక్కడికక్కడే చనిపోయాడు. సమాచారం అందుకున్న పోలీసులు ఘటనా స్థలానికి చేరుకుని మృతదేహాన్ని స్వాధీనం చేసుకుని పోస్టుమార్టం నిమిత్తం ఆస్పత్రికి తరలించారు. ఈ ఘటన ఆ ప్రాంతంలో సంచలనం సృష్టించింది. పోలీసులు తదుపరి దర్యాప్తు చేస్తున్నారు. ఈ సంఘటన వల్ల ఇద్దరు పిల్లలు తండ్రి ప్రేమకు దూరమయ్యారు.
Read Also:Kotamreddy Sridhar Reddy: ఎమ్మెల్యే కోటంరెడ్డి శ్రీధర్రెడ్డి గృహనిర్బంధం