Euphoria OTT: ఓటీటీలోకి వచ్చేసిన ‘యుఫోరియా’..
దర్శకుడు గుణశేఖర్ ప్రతిష్టాత్మకంగా తెరకెక్కించిన సోషల్ డ్రామా థ్రిల్లర్ ‘యుఫోరియా’ ఇప్పుడు ఓటీటీ ప్రియుల ముందుకు వచ్చేసింది. ఫిబ్రవరి 6, 2026న థియేటర్లలో విడుదలైన ఈ చిత్రం, సరిగ్గా రెండు నెలల తర్వాత ఏప్రిల్ 2, 2026 గురువారం (నేడు) నుండి ప్రముఖ ఓటీటీ ప్లాట్ఫామ్ ఈటీవీ విన్ (ETV Win) లో స్ట్రీమింగ్ అవుతోంది. ఈ సినిమాలో సారా అర్జున్ ‘చైత్ర’ అనే ఐఏఎస్ ఆస్పిరెంట్ పాత్రలో నటించింది. ఒక మధ్యతరగతి కుటుంబానికి చెందిన చైత్ర, కలెక్టర్ కావాలనే ఆశయంతో ఉంటుంది. అయితే, ఒక రాత్రి జరిగిన పార్టీలో విలాసాలకు అలవాటు పడిన ఒక రిచ్ గ్యాంగ్ (వికాశ్ అండ్ ఫ్రెండ్స్) ఆమెపై అఘాయిత్యానికి పాల్పడతారు.
Also Read :Salman Khan: సల్మాన్ ఖాన్ సినిమాలో అరవింద్ స్వామి.. విలన్ అనుకుంటే షాకిచ్చారుగా..!
హైదరాబాద్లోని జూబ్లీహిల్స్ గ్యాంగ్ రేప్ ఘటన, ఫుట్ పాత్ పై జరిగిన హిట్ అండ్ రన్ కేసుల వంటి నిజ జీవిత ఇన్సిడెంట్లను స్పూర్తిగా తీసుకుని గుణశేఖర్ ఈ సినిమాను రూపొందించారు. థియేటర్లలో మిశ్రమ స్పందన వచ్చినప్పటికీ, IMDbలో 8.2 రేటింగ్ సాధించడం విశేషం. ముఖ్యంగా సారా అర్జున్ నటనకు, భూమిక పవర్ఫుల్ పర్ఫార్మెన్స్కు మంచి మార్కులు పడ్డాయి. యూత్, ఫ్యామిలీ ఆడియన్స్ తప్పకుండా చూడాల్సిన కంటెంట్ కావడంతో ఓటీటీలో ఈ సినిమాకు మంచి రెస్పాన్స్ వచ్చే అవకాశం ఉంది.