Breaking News : టీఆర్ఎస్కు బిగ్ షాక్.. రాజీనామాకు సిద్ధమైన ఎర్రబెల్లి సోదరుడు
- Follow Us :
-
-
Add as a preferred
source on google
Minister Errabelli Dayakar Rao Brother Errabelli Pradeep Rao Ready to Resign to TRS Party.
తెలంగాణలో రాజకీయ సమీకరణలు రోజుకో రంగు పులుముకుంటున్నాయి. ఇటీవలే కాంగ్రెస్ ఎమ్మెల్యే కోమటిరెడ్డి రాజగోపాల్ రెడ్డి పార్టీని వీటి బీజేపీలో చేరేందుకు సన్నాహాలు చేసుకుంటున్నారనే వార్తలు వినిపిస్తున్నాయి. అందుకు తగ్గట్టుగానే రాజగోపాల్ రెడ్డి కాంగ్రెస్పై విమర్శలు గుప్పిస్తూ.. బీజేపీని భుజాన ఎత్తుకుంటూ ప్రసంగిస్తున్నారు. అయితే ఇదిలా ఉంటే.. బీజేపీ ఎమ్మెల్యే ఈటల రాజేందర్ సైతం టీఆర్ఎస్, కాంగ్రెస్ ఎమ్మెల్యేలు బీజేపీలోకి వచ్చేందుకు సిద్ధంగా ఉన్నారని, మాతో టచ్లో ఉంటున్నారని బాంబు పేల్చారు. ఈ రాజకీయ పరిస్థితుల్లో టీఆర్ఎస్ కి మరో ముఖ్యనేత రాజీనామా చేస్తున్నట్లు తెలుస్తోంది. కేసీఆర్ మంత్రి వర్గంలో ఉన్న మంత్రి ఎర్రబెల్లి దయాకర్ రావు సోదరుడు ఎర్రబెల్లి ప్రదీప్ రావు పార్టీకి బై..బై.. చెప్పేందుకు సిద్ధమవుతున్నారు.
ఈ నెల 7వ తేదీన టీఆర్ఎస్కు రాజీనామా చేయనున్నట్లు సమాచారం. అయితే ఈ క్రమంలోనే రేపు తన అనుచరులతో ప్రదీప్ రావు ప్రత్యేక సమావేశం నిర్వహించి, టీఆర్ఎస్కు రాజీనామాతో పాటు తన భవిష్యత ప్రణాళికలపై చర్చించనున్నట్లు తెలుస్తోంది. ఇదిలా ఉంటే.. ఇప్పటికే 2024 ఎన్నికలే లక్ష్యంగా చేసుకొని టీఆర్ఎస్, కాంగ్రెస్, బీజేపీ పార్టీలు వ్యూహాలు రచిస్తున్నాయి. 2024లో అధికారంలోకి వచ్చేందుకు ఇప్పటికే ఆయా పార్టీల జాతీయ నేతలు తెలంగాణలో పర్యటిస్తూ పార్టీల బలోపేతానికి ప్రయత్నాలు చేస్తున్నారు.