Electric Cars Sales: ఆ దేశంలో అత్యధికంగా ఈవీల అమ్మకం.. జనవరిలో 96% సేల్స్

జనవరి 2025లో ఎలక్ట్రిక్ వాహనాల అమ్మకాలలో నార్వే కొత్త రికార్డు సృష్టించింది. నార్వేలో ఎలక్ట్రిక్ వాహనాల (EV) ప్రగతి ఎంతో ఆకర్షణీయంగా ఉంది. జనవరి నెలలో అమ్ముడైన కొత్త కార్లలో 96% కంటే ఎక్కువ EVలు ఉన్నాయి. ఈ రికార్డు అమ్మకాలు దేశంలో “జీరో-ఎమిషన్ వాహనాల” లక్ష్యాన్ని చేరుకునే దిశగా పురోగమిస్తున్నాయి. నార్వేజియన్ రోడ్ ఫెడరేషన్ (OFV) నివేదిక ప్రకారం.. జనవరి 2025లో మొత్తం 9,343 కొత్త కార్లు అమ్ముడయ్యాయి. అందులో 8,954 ఈవీలు ఉన్నాయి. ఈ అద్భుతమైన ఫలితాలకు కారణాలు కొన్ని ముఖ్యమైన అంశాలు ఉన్నాయి.

పన్ను మినహాయింపు: నార్వేలో ఎలక్ట్రిక్ కార్లపై పన్ను మినహాయింపులు ఉన్నాయి. అవి పెట్రోల్, డీజిల్ వాహనాల కంటే చాలా చౌకగా ఉంటాయి.
టోల్ పన్ను మినహాయింపు: ఎలక్ట్రిక్ వాహనాలకు రోడ్డు టోల్ నుండి మినహాయింపు ఉంది.
ఉచిత పార్కింగ్: పబ్లిక్ పార్కింగ్ సౌకర్యాలు ఉచితంగా అందించడం.. ఈవీ (EV) వాడకాన్ని మరింత సులభం చేస్తుంది.
ప్రజా రవాణా లేన్: బస్సులు, టాక్సీల లేన్లలో కూడా ఈవీలను నడపవచ్చు. ఇది ట్రాఫిక్‌ని తగ్గిస్తుంది.. ప్రయాణాన్ని సౌకర్యవంతంగా చేస్తుంది.
పెరుగుతున్న ఛార్జింగ్ మౌలిక సదుపాయాలు: దేశవ్యాప్తంగా వేల సంఖ్యలో ఛార్జింగ్ స్టేషన్లు అందుబాటులో ఉండటం ఈవీలు ఎక్కువగా అమ్ముడవడానికి ముఖ్య కారణం.

Read Also: Thief: సినీ నటితో ప్రేమలో పడిన దొంగ.. ఏకంగా రూ. 3 కోట్లతో ఇల్లు..

జనవరి 2025లో అత్యధికంగా అమ్ముడైన EVలు:
టయోటా bZ4X
వోక్స్‌వ్యాగన్ ID.4
నిస్సాన్ అరియా

యూరప్‌లో EVల ప్రభావం:
యూరప్‌లో 2024లో 13.6% కార్లు ఎలక్ట్రిక్ వాహనాలుగా ఉన్నాయి. కానీ నార్వేలో ఈ సంఖ్య 96% ని చేరుకుంది. ఇది యూరప్‌లో ఉన్న అన్ని దేశాలతో పోలిస్తే ప్రత్యేకమైన పురోగతిని సూచిస్తుంది.

నార్వే 100% EV లక్ష్యాన్ని చేరుకుంటుందా..?
OFV ప్రకారం, నార్వే 100% ఎలక్ట్రిక్ వాహనాల లక్ష్యాన్ని చేరుకోవడం సమీపంలో ఉన్నది.. ముఖ్యంగా ప్రభుత్వ ప్రోత్సాహక పథకాలు కొనసాగితే.

భారతదేశం కూడా ఈ దిశగా ప్రయాణించగలదా..?
భారతదేశంలో కూడా ఎలక్ట్రిక్ వాహనాల వైపు మొగ్గు చూపుతున్నారు. కానీ ప్రస్తుతం స్థితిగతులు నార్వే కంటే భిన్నం. ప్రభుత్వ ప్రోత్సాహకాలు, మరింత ఛార్జింగ్ ఇన్‌ఫ్రాస్ట్రక్చర్, విస్తృత అవగాహనతో భారతదేశం కూడా ఈ దిశలో ముందుకు సాగగలదని అనుకోవచ్చు.