Eid 2024 Prayer Timing: నేడు దేశవ్యాప్తంగా ఈద్‌ సంబరాలు.. ప్రార్థనల సమయం ఎప్పుడంటే?

Eid 2024 Prayer Timing: ప్రపంచవ్యాప్తంగా ఉన్న ముస్లింలకు ఈద్ పండుగకు ప్రత్యేక ప్రాముఖ్యత ఉంది. రంజాన్ మాసం పూర్తయిన తర్వాత షవ్వాల్ నెల (ఇస్లామిక్ క్యాలెండర్ 10వ నెల) మొదటి తేదీన ఈద్ పండుగ జరుపుకుంటారు. దీనిని ఈద్-ఉల్-ఫితర్, ఈద్-అల్-ఫితర్, మిథి ఈద్ లేదా రంజాన్ ఈద్ అని కూడా పిలుస్తారు.

షవ్వాల్ నెల నెలవంకను చూసిన తర్వాత మాత్రమే ఈద్ జరుపుకుంటారు. కానీ ఏప్రిల్ 9న భారతదేశంలో ఈద్ చంద్రుడు కనిపించలేదు. అటువంటి పరిస్థితిలో, 30 ఉపవాసాలు పూర్తి చేసి, ఏప్రిల్ 11న దేశంలో ఈద్ జరుపుకుంటున్నారు. ఈద్ అనేది సంతోషకరమైన పండుగ. ఈ రోజున ప్రజలు ఉదయాన్నే స్నానం చేసి, కొత్త బట్టలు ధరించి, ఈద్ నమాజ్ చేస్తారు. ప్రజలు ఒకరి ఇళ్లను ఒకరు సందర్శించుకుంటారు, ఇంట్లో తీపి, రుచికరమైన వంటకాలు తయారు చేస్తారు, పిల్లలకు ఈద్ ఇవ్వడం, పేదలకు ఫిత్రా నిర్వహిస్తారు.

ఈద్ నమాజ్ ఎప్పుడు?
ఈద్ ప్రార్థనలు జవాల్ కంటే ముందే ప్రారంభించాలి. సూర్యుడు ఆకాశంలో ఎత్తైన స్థానానికి చేరుకునే సమయం ఇది. అంటే ఉదయం 7 గంటల నుంచి మధ్యాహ్నం 12 గంటల మధ్య ఈద్ నమాజ్ చేయాలి. ఈద్ చంద్రుడు కనిపించగానే, ఈద్ తేదీని నిర్ణయించి, నెల రోజులుగా ఉపవాసం ఉన్నవారి ఉపవాసం కూడా ముగుస్తుంది. ముస్లింలకు ఈద్ నమాజ్ తప్పనిసరి. కానీ వివిధ నగరాల్లో ఈద్ నమాజ్ సమయం మారుతూ ఉంటుంది. మీ నగరంలో ఈద్ నమాజ్ ఏ సమయంలో అందించబడుతుందో తెలుసుకోండి..

దేశంలోని నగరాల్లో ఈద్-ఉల్-ఫితర్ ప్రార్థన సమయాలు
ఢిల్లీ- 06:20 am
నోయిడా- 06:19 am
ముంబై-06:44 am
హైదరాబాద్-06:23 am
లక్నో- 06:06 am
మీరట్-06:18 am
పాట్నా -05:50 am
బెంగళూరు –  06:30am
అహ్మదాబాద్- 06:43 am
రాంచీ-05:51 am
కాన్పూర్-06:09 am
ఆగ్రా- 06:18
జైపూర్- 06:27 am
కోల్‌కతా- 05:40 am

ఈద్-ఉల్ -ఫితర్ ఆచారం ఏంటి?
ఈద్-ఉల్-ఫితర్ సమయంలో తీపి వంటకాలు ముఖ్యంగా ఖీర్ ను తయారు చేస్తారు. ఇంట్లో తయారుచేసిన స్వీట్లు, వంటలను ఒకరికొకరు ప్రేమతో వడ్డిస్తారు. ఈద్ సందర్భంగా బహుమతులు ఇచ్చి పుచ్చుకుంటారు. ఇందులో కొన్ని బహుమతి వస్తువులు లేదా డబ్బుల రూపంలో ఉంటాయి. అంతేకాదు ఈ రోజు చేసే దానానికి విశిష్టత ఉందని నమ్ముతారు. రంజాన్ మాసంలో ఉపవాసం ఉన్నవారు అల్లాను ఆరాధించడానికి.. అతని మార్గాన్ని అనుసరించడానికి .. అతనికి కృతజ్ఞతలు చెప్పడానికి కూడా దీనిని జరుపుకుంటారు. సాంప్రదాయకంగా దాదాపు అన్ని ముస్లిం దేశాలలో ఈద్ ఉల్ ఫితర్ మూడు రోజుల పాటు జరుపుకుంటారు.

ఈద్ ఉల్ ఫితర్ ఎలా ప్రారంభమైందంటే?
ఈద్ పండుగను మొదటిసారిగా క్రీ.శ. 624లో జరుపుకున్నారని.. ఈ ఈద్‌ను మహమ్మద్ ప్రవక్త జరుపుకున్నారని నమ్ముతారు. ఈ ఈద్‌ను ఈద్ ఉల్-ఫితర్ అంటారు. ఈ రోజున ప్రవక్త హజ్రత్ ముహమ్మద్ బదర్ యుద్ధంలో విజయం సాధించారని నమ్ముతారు. విజయానికి గుర్తుగా స్వీట్స్ పంచి రకరకాల వంటలతో సంబరాలు చేసుకున్నారట. ఖురాన్ ఇచ్చిన అల్లాకు కృతజ్ఞతలు తెలుపుతారు. ఇస్లాంలో ఈద్ పండుగలో ఐదు సూత్రాలను అనుసరించడం అత్యంత ముఖ్యమైనదిగా పరిగణించబడుతుంది. ఈ ఐదు సూత్రాలు నమాజ్, హజ్ తీర్థయాత్ర, విశ్వాసం, ఉపవాసం , జకాత్. ఇస్లామిక్ సంప్రదాయం ప్రకారం ప్రతి ముస్లిం వ్యక్తి ఈద్ నమాజ్ చేసే ముందు చేసే దానం లేదా జకాత్ ఇవ్వాలని నమ్మకం.