Dunki Drop 3 : షారుఖ్ ఖాన్ ఫేవరెట్ సాంగ్ వచ్చేసింది..

బాలీవుడ్ స్టార్ హీరో షారుఖ్ ఖాన్ నటిస్తున్న లేటెస్ట్ మూవీ డంకీ.. ఈ సినిమాను బాలీవుడ్ స్టార్ డైరెక్టర్ రాజకుమార్ హిరాని తెరకెక్కిస్తున్నారు..ఈ సినిమాలో బొమన్ ఇరానీ, తాప్సీ పన్ను, విక్కీ కౌశల్ కీలక పాత్ర పోషించారు..డిసెంబర్ లో రిలీజ్ కాబోతున్న మోస్ట్ అవేటెడ్ మూవీస్ లో షారుఖ్ ఖాన్ డంకీ కూడా ఒకటి..తాజాగా ఈ సినిమా నుంచి నుంచి డ్రాప్ 3 శుక్రవారం (డిసెంబర్ 1) రిలీజైంది. డ్రాప్ 2 లుట్ పుట్ గయా సాంగ్ మానియా నుంచే ఇంకా పూర్తిగా బయటకు రాక ముందే షారుక్ ఫేవరెట్ అయిన నిక్లే థే కభీ హమ్ ఘర్ సే అని సాగిపోయే ఈ పాట వచ్చింది.డంకీపై ఉన్న బజ్ ను మరింత పెంచేలా ఈ పాట ఉంది.ప్రభాస్ సలార్ మూవీతో పోటీ పడుతున్న డంకీ మూవీ.. ఎక్కడా అంచనాలు తగ్గకుండా డంకీ చిత్ర యూనిట్ తమ సినిమాపై ఉన్న బజ్ రోజురోజుకూ పెంచుతూనే ఉంది. షారుక్ ఖాన్, రాజ్ కుమార్ హిరానీ కాంబినేషన్ లో వస్తున్న తొలి సినిమా కావడంతో బాక్సాఫీస్ వద్ద అలజడి సృష్టిస్తుందని అందరూ భావిస్తున్నారు.డంకీ నుంచి ఈ లేటెస్ట్ సాంగ్ ఎంతగానో ఆకట్టుకుంటుంది.సోనూ నిగమ్ పాడిన ఈ పాటను ప్రీతమ్ కంపోజ్ చేశాడు. జావెద్ అక్తర్ ఈ పాటకు లిరిక్స్ ను అందించాడు.

ఇంటి నుంచి దూరంగా ఉంటూ తమ ఇంటిని మిస్ అవుతున్నామని ఫీలయ్యే ప్రతి వ్యక్తి మనసునూ తాకేలా ఈ పాట ఉంది. డంకీ ట్రైలర్ పై ఈ పాట మరిన్ని అంచనాలను పెంచేసింది.ఈ లేటెస్ట్ డ్రాప్ గురించి చెబుతూ షారుక్ ఖాన్ ఓ ఎమోషనల్ క్యాప్షన్ ను ఉంచాడు. “ఇవాళ ఎందుకో నా మనసుకు తోచింది. దీంతో ఈ పాటను మీతో షేర్ చేసుకుంటున్నాను. రాజు, సోనూ పేర్లు వింటే మన వాళ్లే అన్న భావన కలుగుతుంది. ఈ ఇద్దరూ కలిసి చేసిన ఈ పాట కూడా మన వాళ్లదే. మన ఇంట్లోని వాళ్ల జ్ఞాపకాలది. మన మట్టిది.మన దేశం ఒడిలో ఓ రకమైన హాయి దొరుకుతుంది. మనమందరం ఎప్పుడో ఒకసారి ఇంటి నుంచి, ఊరి నుంచి, పట్టణం నుంచి దూరంగా వెళ్తాం. మన జీవితం కోసం కానీ మన మనసులు మాత్రం ఇంట్లోనే ఉండిపోతాయి. డంకీలో నా ఫేవరెట్ ఇది” అని షారుఖ్ తెలిపారు.ఇదిలా ఉంటే డంకీ మూవీ డిసెంబర్ 21న ప్రపంచవ్యాప్తంగా ఎంతో గ్రాండ్ గా రిలీజ్ కానుంది. డిసెంబర్ 22న సలార్ రిలీజ్ కానున్న నేపథ్యంలో ఈ రెండు మెగా మూవీస్ మధ్య బాక్సాఫీస్ వార్ జరగనుంది..