Premier League: ఆ జట్టుకు బిగ్ షాక్.. లీగ్ నుంచి అవుట్..

ఢిల్లీ ప్రిమియర్ లీగ్ 2026 సీజన్‌ పోటీలు రసవత్తరంగా సాగుతున్నాయి. సెంట్రల్ ఢిల్లీ కింగ్స్ టోర్నమెంట్‌లో అద్భుత ప్రదర్శన చేస్తూ 8 మ్యాచ్‌ల్లో 7 విజయాలతో 14 పాయింట్లు సాధించి, పాయింట్ల పట్టికలో అగ్రస్థానంలో నిలవడమే కాకుండా ప్లేఆఫ్స్‌కు అర్హత సాధించిన తొలి జట్టుగా నిలిచింది. అవుటర్ ఢిల్లీ వారియర్స్ 8 మ్యాచ్‌ల్లో 5 విజయాలు సాధించి 11 పాయింట్లతో రెండో స్థానంలో కొనసాగుతోంది. ఈ జట్టు ప్లేఆఫ్స్ అర్హత కూడా దాదాపు ఖాయమైంది. పురానీ ఢిల్లీ 6 మరియు సౌత్ ఢిల్లీ సూపర్ స్టార్జ్ చెరో 9 పాయింట్లతో వరుసగా మూడు, నాలుగు స్థానాల్లో ఉన్నాయి. అయితే రన్ రేట్ మెరుగ్గా ఉండడం వల్ల పురానీ ఢిల్లీ 6 మూడో స్థానాన్ని ఆక్రమించింది.

మరోవైపు నార్త్ ఢిల్లీ స్ట్రైకర్స్, వెస్ట్ ఢిల్లీ లయన్స్ జట్లు చెరో 7 పాయింట్లతో ఐదు, ఆరు స్థానాల్లో నిలిచాయి. ఈ క్రమంలో ఆగస్టు 17న జరిగిన 30వ మ్యాచ్‌లో ఈస్ట్ ఢిల్లీ రైడర్స్ 36 పరుగుల తేడాతో న్యూ ఢిల్లీ టైగర్స్‌పై ఘన విజయం సాధించింది. ఈ ఓటమితో 8 మ్యాచ్‌ల్లో కేవలం 2 పాయింట్లు మాత్రమే కలిగి ఉన్న న్యూ ఢిల్లీ టైగర్స్ ప్లేఆఫ్స్ రేసు నుంచి పూర్తిగా నిష్క్రమించి ఎలిమినేట్ అయిన తొలి జట్టుగా నిలిచింది. ఇక ఈస్ట్ ఢిల్లీ రైడర్స్ 7 మ్యాచ్‌ల్లో ఒక్క విజయం, 3 పాయింట్లతో ఏడో స్థానంలో ఉన్నప్పటికీ, గణాంకాల పరంగా ఇప్పటికీ ప్లేఆఫ్స్ రేసులో ఉంది. వారు మిగిలిన 3 మ్యాచ్‌లలో భారీ తేడాతో గెలిచి, రన్ రేట్‌ను మెరుగుపరుచుకుంటేనే అద్భుతం జరిగే అవకాశం ఉంది.

అంతర్జాతీయ క్రికెట్ విషయానికొస్తే.. భారత్ , శ్రీలంకల మధ్య జరిగిన మ్యాచ్‌లో భారత జట్టు తొలి ఇన్నింగ్స్‌లో 462 పరుగులకు ఆలౌట్ అయింది. అనంతరం శ్రీలంక తన తొలి ఇన్నింగ్స్‌లో 284 పరుగులకే పరిమితమైంది. భారత బౌలర్ మానవ్ సుతార్ కీలక వికెట్ పడగొట్టడంతో శ్రీలంకపై భారత్ 178 పరుగుల భారీ ఆధిక్యాన్ని సాధించి మ్యాచ్‌పై పట్టు బిగించింది.