Dhurandhar : The Revenge : తెలుగు రాష్ట్రాల్లో ధురందర్ దండయాత్ర.. టికెట్టు ముక్క లేదు
తెలుగు రాష్ట్రాల్లో ఇప్పుడు ఎక్కడ చూసినా ఒకటే పేరు మార్మోగిపోతోంది… అదే ‘ధురంధర్ 2′ (Dhurandhar: The Revenge). బాలీవుడ్ దర్శకుడు ఆదిత్య ధర్ తెరకెక్కించిన ఈ స్పై థ్రిల్లర్ బాక్సాఫీస్ వద్ద కేవలం వసూళ్ల వర్షం మాత్రమే కాదు ఒక సునామీని సృష్టిస్తోంది. తెలుగు వెర్షన్ రెండు రోజులు ఆలస్యంగా రిలీజ్ అయినా కూడా ఈ సినిమా చూపిస్తున్న ‘రాంపేజ్’ చూస్తుంటే ట్రేడ్ వర్గాలు సైతం విస్మయానికి గురవుతున్నాయి. గతంలో ‘యురి’, ‘ధురంధర్’ చిత్రాలతో సెన్సేషన్ క్రియేట్ చేసిన ఆదిత్య ధర్, ఇప్పుడు ‘ధురంధర్ 2’తో హ్యాట్రిక్ విజయాన్ని తన ఖాతాలో వేసుకున్నారు.
Also Read : Aditya Dhar : హ్యాట్రిక్ హిట్ కొట్టేసిన ఆదిత్యధర్.. ఈ ఇద్దరితో నెక్ట్స్ మల్టీస్టారర్
విడుదలైన మొదటి రోజు నుంచే పాజిటివ్ టాక్తో మొదలైన ఈ సినిమా మూడు రోజుల్లోనే ప్రపంచవ్యాప్తంగా రూ. 500 కోట్ల మార్కును దాటి చరిత్ర సృష్టించింది. హిందీలోనే కాకుండా తెలుగు రాష్ట్రాల్లో ఈ సినిమాకు వస్తున్న రెస్పాన్స్ చూస్తుంటే ఇది కేవలం సినిమా కాదు ఒక ‘ఎమోషన్’ అనిపిస్తోంది. ఈ రోజు ఆంధ్రప్రదేశ్ మరియు రాయలసీమ వ్యాప్తంగా తెలుగు వెర్షన్ ఊహించని రీతిలోఅదరగొడుతుంది. మారుమూల ఉండే డబ్బా థియేటర్లలో కూడా ఈ రోజు అన్ని షోలు ఫుల్స్ పడటం ట్రేడ్ వర్గాలను ఆశ్చర్యానికి గురి చేస్తోంది. ఒక్క మాటలో చెప్పాలంటే తెలుగు నాట ఈ సినిమా సృష్టిస్తున్నది ‘అరాచకం’. సీ సెంటర్స్, డి సెంటర్స్ అనే తేడా లేకుండా ప్రతి చోటా జనం థియేటర్లకు పోటెత్తుతున్నారు. చాలా ఏరియాల్లో ఈ సినిమా పెట్టిన పెట్టుబడికి రెట్టింపు లాభాలను తెచ్చిపెడుతోంది. రణవీర్ సింగ్ నటన, ఆదిత్య ధర్ టేకింగ్, మరియు హై-వోల్టేజ్ యాక్షన్ సీక్వెన్స్ తెలుగు ప్రేక్షకులను అమితంగా ఆకట్టుకుంటున్నాయి.