JR NTR : కొరటాల సిద్ధం.. కానీ అంతా ఎన్టీఆర్ చేతుల్లోనే!

ఎన్టీఆర్ హీరోగా కొరటాల శివ దర్శకత్వంలో వచ్చిన ‘దేవర: పార్ట్ 1’ బాక్సాఫీస్ వద్ద ఎలాంటి ప్రభంజనం సృష్టించిందో అందరికీ తెలిసిందే. మిక్స్డ్‌ టాక్‌తోనే సంచలన వసూళ్లు రాబట్టింది. దీంతో.. టైగర్ ఫ్యాన్స్ ‘దేవర 2’ అప్డేట్ కోసం ఎదురు చూస్తున్నారు. దేవర తర్వాత కొరటాల శివ మరో సినిమా కమిట్ కాకుండా.. దేవర 2 కోసమే వర్క్ చేస్తున్నాడు. ఇప్పటికే పవర్ ఫుల్ స్క్రిప్ట్ సిద్ధం చేసినట్టుగా టాక్. అయితే, కొరటాల ఈసారి మరింత జాగ్రత్తగా అడుగులు వేస్తున్నాడు. సీక్వెల్‌ను మరింత గ్రిప్పింగ్‌గా, ఎమోషనల్‌గా తీర్చిదిద్దేందుకు స్క్రిప్ట్‌ను ఫైన్ ట్యూనింగ్ చేస్తున్నాడట.

Also Read : AA 22 : అల్లు అర్జున్ టైటిల్ అనౌన్స్మెంట్ కు టైమ్ ఫిక్స్

కథలోని ప్రతి సన్నివేశం పర్ఫెక్ట్‌గా ఉండాలని, ప్రస్తుతం స్క్రిప్ట్‌కు మరిన్ని మెరుగులు దిద్దే పనిలో నిమగ్నమైనట్టు తెలుస్తోంది. మరి.. ఈ సినిమా షూటింగ్ ఎప్పుడు అంటే? అది పూర్తిగా ఎన్టీఆర్ ఇచ్చే కాల్షీట్లపైనే ఆధారపడి ఉంది. ఎన్టీఆర్ ప్రస్తుతం ప్రశాంత్ నీల్ సినిమాతో బిజీగా ఉన్నాడు. ఇప్పటికే ఈ సినిమా చాలా లేట్ అయింది. ఇంకా డిలే అయ్యే ఛాన్స్ ఉంది. అసలు డ్రాగన్ ఎప్పుడు కంప్లీట్ అవుతుందో చెప్పలేని పరిస్థితి కనిపిస్తోంది. ఇది పూర్తి చేసుకొని, ఎన్టీఆర్ ఎప్పుడు డేట్స్ కేటాయిస్తే అప్పుడే ‘దేవర 2’ సెట్స్ పైకి వెళ్లేందుకు సిద్ధంగా ఉంది. షూటింగ్ డేట్స్ ఖరారైతే, ఈ సినిమా నిర్మాణ పనులు కూడా అత్యంత వేగంగా జరగనున్నాయి. అయితే, ఈ సినిమా అధికారిక ప్రకటన కోసం మే 20 వరకు వెయిట్ చేయాల్సి ఉంటుంది. ఆరోజు ఎన్టీఆర్ బర్త్ డే సందర్భంగా.. దేవర 2 అనౌన్స్మెంట్‌తో పాటు.. ప్రశాంత్ నీల్ సినిమా టైటిల్ టీజర్ రిలీజ్‌కు ప్లాన్ చేస్తున్నారు. మొత్తానికి, డ్రాగన్‌తో పాటు దేవర 2 కోసం టైగర్ ఫ్యాన్స్ ఆత్రుతగా ఎదురుచూస్తున్నారు.