Arvind Kejriwal: పెరిగిన నీటి బిల్లులపై అఖిలపక్ష భేటీకి పిలుపునిచ్చిన ఢిల్లీ సీఎం..

Delhi Chief Minister: ఢిల్లీ ముఖ్యమంత్రి, ఆమ్ ఆద్మీ పార్టీ (ఆప్) జాతీయ కన్వీనర్ అరవింద్ కేజ్రీవాల్ ఇవాళ అఖిలపక్ష సమావేశానికి పిలుపునిచ్చారు. సాయంత్రం 4 గంటలకు ఆయన నివాసంలో జరిగే ఈ సమావేశంలో దేశ రాజధాని ఢిల్లీలో పెరిగిన నీటి బిల్లుల అంశంపై చర్చించనున్నారు. పెరిగిన నీటి బిల్లుల కోసం ఢిల్లీ ప్రభుత్వం వన్ టైమ్ సెటిల్‌మెంట్ పథకాన్ని తీసుకురావాలని చూస్తుంది.

Read Also: Geethanjali Malli Vachindi: బేగంపేట్ శ్మశానవాటికలో ‘గీతాంజలి మళ్ళీ వచ్చింది’ టీజర్ లాంచ్ ఈవెంట్.. టాలీవుడ్ చరిత్రలోనే..!

అయితే, వాస్తవానికి పెరిగిన నీటి బిల్లులకు సంబంధించి వన్ టైమ్ సెటిల్‌మెంట్ పథకాన్ని తీసుకురావాలని ఢిల్లీ ప్రభుత్వం భావిస్తోంది. ఇటీవల ఢిల్లీ అసెంబ్లీ బడ్జెట్ సమావేశంలో ఈ పథకంపై చర్చ సందర్భంగా తీవ్ర దుమారం రేగింది. అంతకు ముందు 2023 జూన్ 14వ తేదీన ఢిల్లీ ముఖ్యమంత్రి దేశ రాజధానిలోని వినియోగదారులు పెండింగ్ నీటి బిల్లుల కోసం ‘వన్-టైమ్ సెటిల్‌మెంట్ స్కీమ్’ని ప్రకటించారు. ఢిల్లీలోని దాదాపు 27.6 లక్షల మంది వినియోగదారులలో 11.7 లక్షల మంది వినియోగదారులకు మొత్తం రూ.5,737 కోట్లు బకాయిలు ఉన్నాయని సీఎం కార్యాలయం తెలిపింది.

Read Also: FDI in Space : అంతరిక్ష రంగంలో పెట్టుబడులకు ద్వారాలు తెరిచిన కేంద్రప్రభుత్వం

ఇక, పెరిగిన నీటి బిల్లుల వన్ టైమ్ సెటిల్మెంట్ పథకాన్ని అధికారులు వ్యతిరేకిస్తున్నారని సీఎం అరవింద్ కేజ్రీవాల్ ఆరోపిస్తున్నారు. కావాలనే తమ ప్రభుత్వ నిర్ణయాన్ని కేంద్రంలోని కొందరు అధికారులు టార్గె్ట్ చేశారని పేర్కొన్నారు. అయితే, గతంలో ఢిల్లీ ప్రభుత్వం ప్రవేశ పెట్టిన వన్-టైమ్ సెటిల్‌మెంట్ పథకం మంత్రి మండలి ముందు ప్రతిపాదనను సమర్పించడానికి పట్టణ అభివృద్ధి కార్యదర్శి నిరాకరించిన విషయం తెలిసిందే.