Deputy CMO: లవ్ జిహాద్ తర్వాత మరో కొత్త పేరు చర్చనీయాంశంగా మారింది. యూపీలోని బాగ్‌పత్‌లో తాజాగా బయోలాజికల్ జిహాద్ ఉదంతం వెలుగులోకి వచ్చింది. అక్కడ డిప్యూటీ సిఎంఓ యశ్వీర్ సింగ్ తన డిపార్ట్‌మెంట్‌లో పనిచేస్తున్న ఇద్దరు కాంట్రాక్ట్ కార్మికులు (ల్యాబ్ టెక్నీషియన్) ఆయన కుటుంబానికి టిబి వ్యాధికి కారణమయ్యే కఫం బాక్టీరియాను ఇచ్చి చంపడానికి కుట్ర పన్నారని ఆరోపించారు. ఆరోపణలు ఎదుర్కొంటున్న కాంట్రాక్టు కార్మికుల ఆడియో క్లిప్ బయటకు రావడంతో కుట్ర బట్టబయలైంది. ల్యాబ్ లోని బ్యాక్టీరియాను ఇచ్చి డిప్యూటీ సీఎంఓ, ఆయన కుటుంబసభ్యులను చంపేందుకు కుట్ర పన్నుతున్నట్లు ఆడియోలో ఉన్నట్టు సమాచారం. కుట్ర బట్టబయలైన తర్వాత, డిప్యూటీ సీఎంఓ బాగ్‌పత్ నిందితులను అరెస్టు చేయాలని డిమాండ్ చేస్తూ పోలీసులకు లిఖితపూర్వకంగా ఫిర్యాదు చేశారు.
డిప్యూటీ సీఎంఓ యశ్వీర్ సింగ్ జిల్లా క్షయవ్యాధి అధికారి కూడా. అతని నాయకత్వంలో పనిచేసే ఇద్దరు కాంట్రాక్ట్ ల్యాబ్ టెక్నీషియన్లు ముషీర్ అహ్మద్, జబ్బర్ ఖాన్ TB, HIV పరీక్షల కోసం పనిచేస్తున్నారు. టీబీ శ్లేష్మం సంబంధించి ప్రాణాంతక బ్యాక్టీరియాను డిప్యూటీ సీఎంఓ, అతని కుటుంబ సభ్యులకు అందించడం గురించి ఇద్దరు సిబ్బంది మాట్లాడుతున్న ఆడియో క్లిప్ డిప్యూటీ సీఎంఓకు వచ్చిందని తెలుస్తోంది.
ఆడియో వైరల్ కావడంతో, డిప్యూటీ సీఎంఓ ఈ వ్యవహారంపై ఫిర్యాదు చేశారు. స్పిట్ జిహాద్ తర్వాత, బాగ్‌పత్ ప్రజలు ముస్లిం యువకులు టిబి బ్యాక్టీరియాను ఇవ్వడాన్ని బయోలాజికల్ జిహాద్‌గా పిలుస్తున్నారు. ప్రస్తుతం డిప్యూటీ సీఎంఓ ఆరోపణలపై బాగ్‌పత్ సిటీ కొత్వాలి పోలీసులు, ఆరోగ్య శాఖ దర్యాప్తు ప్రారంభించింది. విచారణ తర్వాతే అసలు విషయం, కుట్ర వెనుక కారణాలు వెల్లడవుతాయి.