Jagga Reddy: పుస్తకమే చాలా లావుగా ఉంది.. అందులో మ్యాటర్ లేదు..
Jagga Reddy on Telangana Budget: నేడు అసెంబ్లీలో మంత్రి హరీశ్రావు ప్రవేశపెట్టిన తెలంగాణ బడ్జెట్పై సంగారెడ్డి ఎమ్మెల్యే జగ్గారెడ్డి అసహనం వ్యక్తం చేశారు. ప్రజల సమస్యలు గవర్నర్ ప్రసంగంలో రాలేదని.. కనీసం ఈ బడ్జెట్ లోనైనా వస్తాయని ఆశ ఉండేదన్నారు. హరీష్ రావు బడ్జెట్ పుస్తకం చాలా లావుగా ఉందని..కానీ అందులో మ్యాటర్ లేదన్నారు. కాన్సర్ రోగులు, గుండె రోగుల ప్రస్తావన బడ్జెట్లో రాలేదని ఆయన మండిపడ్డారు. వీఆర్ఏ, ఆర్ఎంపీ లాంటి వాళ్ల గురించి చర్చే లేదన్నారు. విభజనలో కీలక పాత్ర పోషించిన జర్నలిస్టుల గురించి బడ్జెట్లో లేదని ఆయన ఆగ్రహం వ్యక్తం చేశారు.
Bhatti Vikramarka: కలల బడ్జెట్ మాత్రమే.. వాస్తవ బడ్జెట్ కాదు..
యాదగిరి గుట్టకు మెట్రో కావాలని డిమాండ్ చేశామన్న ఆయన.. కానీ ప్రస్తావన లేదని మండిపడ్డారు. పుస్తకం తెచ్చి పాఠం చదివి వెళ్లారని జగ్గారెడ్డి ఎద్దేవా చేశారు. అనాథ పిల్లలను ఆదుకుంటామని ముఖ్యమంత్రి కేసీఆర్ తెలిపారని.. కానీ బడ్జెట్లో ప్రస్తావన లేదని ఆయన పేర్కొన్నారు. తెలంగాణ ప్రజల కోసం అసెంబ్లీ లోపల, బయట పోరాటం చేస్తామని కాంగ్రెస్ ఎమ్మెల్యే జగ్గారెడ్డి అన్నారు. బడ్జెట్ సవరణలు చేయాలని ఆయన డిమాండ్ చేశారు.