CM KCR : కైకాల విలక్షణ నటుడు.. కొంతకాలం మేము కలసి పని చేశాం

టాలీవుడ్ సీనియర్ నటుడు కైకాల సత్యనారాయణ (87) కన్నుమూశారు. గత కొన్ని రోజులుగా తీవ్ర అనారోగ్యంతో బాధపడుతున్న ఆయన ఇంటి వద్దే చికిత్స పొందుతూ తుది శ్వాస విడిచారు. ఆయన మృతిపై టాలీవుడ్ సినీ లోకం ఆవేదన చెందుతోంది. ఇప్పటికే రాజకీయ, సినీ ప్రముఖులు ఆయనకు నివాళులు అర్పించారు. తాజాగా తెలంగాణ సీఎం కేసీఆర్‌ కైకాల పార్థివ దేహానికి నివాళులు అర్పించారు. అనంతరం ఆయన కుటుంబ సభ్యుల్ని పరామర్శించారు. ఈ సందర్భంగా సీఎం కేసీఆర్‌ మాట్లాడుతూ.. కైకాల విలక్షణ నటుడని, కొంత కాలం మేము కలసి పని చేశామని, ఆయన మన మధ్య లేకపోవడం భాదకరమన్నారు. అంతేకాకుండా.. కైకాల ఎలాంటి పాత్రలోనైనా జీవించి, హీరోలకు సమానమైన పేరు తెచ్చుకుని కేసీఆర్‌ కొనియాడారు. ఆయన ఎంపీగా ఉన్న రోజుల్లో.. ఆయనతో కలిసి పని చేసిన  అనుభవం ఉందని సీఎం కేసీఆర్‌ గుర్తు చేశారు. తెలుగు చలన చిత్ర పరిశ్రమ ఓ దిగ్గజాన్ని కోల్పోయిందని, ఆయన లేని లోటు ఎవరూ పూడ్చలేరన్నారు. ఆయనకు సమానమైన నటులు ఈ తరంలో ఎవరూ లేరని, ఆయన కుటుంబానికి సానుభూతి తెలియజేస్తున్నామన్నారు సీఎం కేసీఆర్‌.
Also Read : IPL Auction 2023 Live Updates: శామ్ కరణ్‌కు రూ.18.5 కోట్లు, గ్రీన్‌కు రూ.17.5 కోట్లు, స్టోక్స్‌కు రూ.16.25 కోట్లు

రేపు ఉదయం 10.30 గంటలకు జూబ్లీహిల్స్ లోని మహాప్రస్థానంలో సత్యనారాయణ అంత్యక్రియలు జరగనున్నాయి. అయితే.. కైకాల 60 సంవత్సరాల సినీజీవితంలో 777 సినిమాల్లో నటించాడు. ఒక నటుడిగా అతను పౌరాణిక, సాంఘిక, చారిత్రక, జానపద పాత్రలు చేసాడు. హాస్య, ప్రతినాయక, నాయక, భూమికలెన్నిటినో పోషించాడు. తాను పోషించిన వైవిధ్యమైన పాత్రలకు గుర్తుగా అతను నవరస నటనా సార్వభౌమ అనే బిరుదు పొందాడు. తెలుగు సినీ పరిశ్రమలో ఎస్. వి. రంగారావు తర్వాత అలాంటి వైవిధ్య భరితమైన పాత్రలు పోషించిన వారిలో ఈయన ఒకరు. 1959లో సిపాయి కూతురు అనే చిత్రంతో ఈయన సినీరంగప్రవేశం చేశాడు. తర్వాత ఎక్కువగా ప్రతినాయక పాత్రలు పోషించాడు.