గోకవరం మండలం గుమ్మళ్లదొడ్డిలో అస్సాగో ఇండస్ట్రియల్‌ ప్రైవేట్‌ లిమిటెడ్‌ (ఇథనాల్) పరిశ్రమకు శంకుస్థాపన చేయబోతున్నారు.పరిశ్రమ శంకుస్థాపన, బహిరంగ సభ కార్యక్రమంలో పాల్గొని ప్రసంగిస్తారు సీఎం జగన్.. కార్యక్రమం ముగిశాక మధ్యాహ్నం 1.10 గంటలకు తాడేపల్లిలోని నివాసానికి చేరుకుంటారు సీఎం జగన్. ఇదిలా వుంటే ముఖ్యమంత్రి పర్యటనకు భారీ ఏర్పాట్లుచేశారు. గుమ్మళ్ళదొడ్డి గ్రామంలో ఏర్పాటు చేస్తున్న అస్సాగో ఇథనాల్ శుద్ది కర్మగారం నిర్మాణానికి భూమి పూజ జరగనుండడంతో ఈ ప్రాంత వాసులు హర్షం వ్యక్తం చేస్తున్నారు. తొలుత భూమి పూజా కార్యక్రమాల్లో పాల్గొని, తదుపరి బహిరంగ సభలో ప్రజలను, ఆహుతులను ఉద్దేశించి ప్రసంగించనున్నారు ముఖ్యమంత్రి. రూ.260 కోట్లతో ఈ కంపెనీ రావడం ద్వారా స్థానికంగా 300 మందికి ఉద్యోగ కల్పన జరుగుతుంది. భౌగోళికంగా, సామాజికంగా గోకవరం మండలం ఆర్థిక అభివృద్ధి పై వాటి ప్రభావం వుంటుందని భావిస్తున్నారు. కొత్త జిల్లా ఏర్పాటు అనంతరం ముఖ్యమంత్రి రావడం ఇది ఐదవ సారి. ఈ సభలో సీఎం ఏం మాట్లాడతారోనని అంతా ఆసక్తిగా ఎదురుచూస్తున్నారు.
