Theif : మంచి దొంగ.. దొంగతనం చేసి తిరిగి తెచ్చి పెట్టేశాడు

Theif : మనం అనేక దొంగతనాల వార్తలు వినే ఉంటాం. దొంగలు కొన్ని సమయాల్లో క్రూరంగా ప్రవర్తిస్తుంటారు. అవసరమైతే బెదిరించడం, కొన్న సందర్భాల్లో ప్రాణాలను సైతం తీసి దొంగతనాన్ని కానిచ్చేస్తుంటారు. కానీ ఇలాంటి దొంగలు మాత్రం చాలా అరుదు. ఓ దొంగ దొంగతనం చేసిన తర్వాత, దొంగిలించిన నగదును తిరిగి ఎక్కడ తీశాడో అక్కడే పెట్టాడు. ఇది కొంచెం ఆశ్చర్యకరమైన వార్తే. ఛత్తీస్ గఢ్ రాష్ట్రం బిల్హా ప్రాంతంలో ఓ విచిత్రమైన చోరీ జరిగింది. ఈ ప్రాంతంలోని ఓ వ్యక్తి ఇంట్లో పెద్ద మొత్తంలో నగదు చోరీకి గురైంది… అయితే ఆశ్చర్యకరంగా మరుసటి రోజు చోరీ మొత్తం రికవరీ చేయబడింది.

Read Also: Bandi Sanjay Released Live: జైలు నుంచి విడుదలైన బండి సంజయ్

శోభరామ్ కోష్లే అనే వ్యక్తి గ్రామంలోని తన భూమిని రోహిత్ యాదవ్ అనే వ్యక్తికి విక్రయించాడు. ఈ భూమిని మార్చి 27న రిజిస్ట్రేషన్ చేశారు. సమాచారం ప్రకారం శోభరామ్ కోశ్లే భూమిని విక్రయించి నగదు అందుకున్నారు. ఈ నగదులో 95 వేల రూపాయలను శోభారామ్ తన ఇంటి నేలమాళిగలో దాచాడు. కానీ, మరుసటి రోజు శోభారం బాక్స్‌తో పాటు మొత్తం చోరీకి గురైనట్లు గుర్తించాడు. ఈ ఘటన తర్వాత శోభరామ్ ఏప్రిల్ 1న బిల్హా పోలీస్ స్టేషన్‌లో ఫిర్యాదు చేశారు. ఆ తర్వాత పోలీసులకు, శోభరామ్‌కు షాక్ కలిగించే సంఘటన జరిగింది. పోలీసులు దొంగ కోసం వెతుకుతున్నారు. అకస్మాత్తుగా ఇంటి ఆవరణలో శోభరామ్ తన వద్ద ఉన్న నగదుతో కూడిన పెట్టెను గుర్తించాడు. ఈ పెట్టెలో 95 వేల రూపాయలు ఉన్నాయి. అయితే దొంగ ఇలా ఎందుకు చేశాడని అంతా ఆశ్చర్యపోతున్నారు. పోలీసులు అతన్ని పట్టుకుని చర్యలు తీసుకుంటారనే భయంతోనే ఇలా చేసి ఉంటాడని భావిస్తున్నారు.

Read Also: Bandi sanjay: కరీంన’గరం’లో గరం.. జైలు పరిసర ప్రాంతాల్లో 144 సెక్షన్