2000 Rupees Notes: RBI (రిజర్వ్ బ్యాంక్ ఆఫ్ ఇండియా) 31 జూలై 2023 నాటికి మొత్తం 88 శాతం 2000 రూపాయల నోట్లు బ్యాంకింగ్ వ్యవస్థకు తిరిగి వచ్చినట్లు తెలిపింది. RBI ప్రకారం.. మే 19, 2023 వరకు మొత్తం 3.56 లక్షల కోట్ల రూపాయల విలువైన 2,000 రూపాయల నోట్లు చెలామణిలో ఉన్నాయి. జూలై 31, 2023 నాటికి రూ.3.14 లక్షల కోట్ల విలువైన రూ.2000 నోట్లు బ్యాంకులకు తిరిగి వచ్చాయి. ఇప్పుడు రూ.42,000 కోట్ల నోట్లు మాత్రమే చెలామణిలో ఉన్నాయి. 2,000 నోట్లను డిపాజిట్ చేయడానికి లేదా మార్చుకోవడానికి 30 సెప్టెంబర్ 2023 చివరి తేదీ.
Read Also:Gold Today Price: మళ్లీ పెరిగిన బంగారం ధరలు.. తెలుగు రాష్ట్రాల్లో నేటి రేట్స్ ఎలా ఉన్నాయంటే?
2000 రూపాయల నోట్లకు సంబంధించిన స్టేటస్ను ఆర్బీఐ విడుదల చేసింది. మే 19, 2023న ఆర్బీఐ రూ.2000 నోట్లను ఉపసంహరించుకుంటున్నట్లు ప్రకటించినట్లు సెంట్రల్ బ్యాంక్ తెలిపింది. మార్చి 31, 2023 వరకు రూ. 2,000 నోట్ల చెలామణిలో మొత్తం రూ. 3.62 లక్షల కోట్లు ఉండగా మే 19, 2023 నాటికి రూ. 3.56 లక్షల కోట్లకు తగ్గింది. బ్యాంకుల నుంచి అందిన సమాచారం ప్రకారం జూలై 31, 2023 వరకు రూ.3.14 లక్షల కోట్ల విలువైన నోట్లు చెలామణి నుంచి బ్యాంకింగ్ వ్యవస్థలోకి తిరిగి వచ్చినట్లు ఆర్బీఐ తెలిపింది. ప్రస్తుతం రూ.42,000 కోట్ల నోట్లు మాత్రమే చెలామణిలో ఉన్నాయని ఆర్బీఐ తెలిపింది. అటువంటి పరిస్థితిలో, మే 19, 2023 న RBI యొక్క 2,000 రూపాయల నోట్లను ఉపసంహరించుకుంటున్నట్లు ప్రకటించినప్పటి నుండి 88 శాతం నోట్లు తిరిగి వచ్చాయి.
Withdrawal of ₹2000 Denomination Banknotes – Statushttps://t.co/J3MOYyCGIU
— ReserveBankOfIndia (@RBI) August 1, 2023
Read Also:Uttarakhand: దారుణం.. మహిళను కొరికి హత్య చేసి, ఆపై అత్యాచారం..
తిరిగి వచ్చిన 2000 రూపాయల నోట్లలో 87 శాతం నోట్లు బ్యాంకు ఖాతాల్లో జమ అయినట్లు ఆర్బీఐ వెల్లడించింది. కాగా 13 శాతం 2000 రూపాయల నోట్లను ఇతర నోట్లతో మార్చుకున్నారు. 2000 రూపాయల నోట్లను డిపాజిట్ చేయడానికి లేదా మార్చుకోవడానికి ఇప్పుడు రెండు నెలల సమయం ఉందని ఆర్బిఐ సాధారణ ప్రజలకు విజ్ఞప్తి చేసింది. చివరి నిమిషంలో రద్దీని నివారించడానికి, 30 సెప్టెంబర్ 2023లోపు నోట్లను డిపాజిట్ చేయాలని లేదా మార్చుకోవాలని RBI ప్రజలకు విజ్ఞప్తి చేసింది.