Dark Chocolate Benefits: డార్క్ చాక్లెట్ అనేది ఇతర రకాల చాక్లెట్ల కంటే ఎక్కువ కోకో, తక్కువ చక్కెర కలిగిన చాక్లెట్. ఇది సాధారణంగా మిల్క్ చాక్లెట్ కంటే ఎక్కువ ప్రయోజనకరమైనది. అలాగే తక్కువ తీపిగా ఉంటుంది. ఆరోగ్యానికి సంబంధించిన వివిధ అంశాలలో దీనిని తినడం వల్ల అనేక ప్రయోజనాలు ఉన్నాయి. పరిమిత పరిమాణంలో తినడం చాలా ప్రయోజనకరంగా ఉంటుంది. కొన్ని అధ్యయనాలు చాక్లెట్ మెదడు పనితీరును మెరుగుపరిచే, మానసిక ఆరోగ్య పరిస్థితులకు సహాయపడే కొన్ని లక్షణాలను కలిగి ఉన్నాయని చెబుతున్నాయి. కొన్ని పరిశోధనల ప్రకారం.. ‘చాక్లెట్ లో కోకో ఫ్లేవనోల్స్ ఉన్నాయి. ఇందులో ఉండే సమ్మేళనం మెదడులో శ్రద్ధ, జ్ఞాపకశక్తి, పని సామర్థ్యాన్ని పెంచుతుంది. ఫ్లేవనోల్స్ అనే యాంటీ ఆక్సిడెంట్లు శరీరంలో ఆక్సీకరణ ఒత్తిడిని, వాపును తగ్గిస్తాయి. 70 శాతం లేదా అంతకంటే ఎక్కువ కోకో ఉన్న చాక్లెట్ తినడం వల్ల కలిగే ప్రయోజనాల గురించి ఇప్పుడు తెలుసుకుందాము..
గుండె ఆరోగ్యాన్ని మెరుగుపరుస్తుంది:
డార్క్ చాక్లెట్ రక్తపోటును తగ్గిస్తుంది. LDL కొలెస్ట్రాల్ స్థాయిలను తగ్గిస్తుంది. HDL కొలెస్ట్రాల్ స్థాయిలను పెంచుతుంది. అలాగే రక్త ప్రవాహాన్ని మెరుగుపరుస్తుంది. ఈ కారకాలు ఆరోగ్యకరమైన గుండెకు దోహదం చేస్తాయి. అలాగే గుండె జబ్బులు వచ్చే ప్రమాదాన్ని తగ్గిస్తాయి.
చర్మ ఆరోగ్యాన్ని మెరుగుపరుస్తుంది:
డార్క్ చాక్లెట్‌లో ఉండే యాంటీ ఆక్సిడెంట్లు చర్మాన్ని UV కిరణాల నుండి దెబ్బతినకుండా కాపాడతాయి. ముఖ్యంగా డీహైడ్రేషన్‌ ను నివారిస్తాయి. అలాగే కొల్లాజెన్ ఉత్పత్తిని ప్రోత్సహిస్తాయి. ఇది ఆరోగ్యకరమైన, మెరిసే చర్మాన్ని పొందవచ్చు.
యాంటీ ఆక్సిడెంట్లు ఎక్కువగా ఉంటాయి:
డార్క్ చాక్లెట్‌లో యాంటీఆక్సిడెంట్లు పుష్కలంగా ఉన్నాయి. ముఖ్యంగా ఫ్లేవనాయిడ్లు ఫ్రీ రాడికల్స్‌తో పోరాడటానికి, శరీరంలోని ఆక్సీకరణ ఒత్తిడిని తగ్గించడంలో ఎంతగానో సహాయపడతాయి. ఇది గుండె సమస్యలు, క్యాన్సర్ వంటి దీర్ఘకాలిక వ్యాధులను నివారించడంలో సహాయపడుతుంది.
బరువు నిర్వహణ:
డార్క్ చాక్లెట్‌లో ఎక్కువ క్యాలరీలు ఉంటాయి. కానీ., ఇందులో చాలా ఫైబర్ కూడా ఉంటుంది. ఎవరైనా దీనిని తీసుకుంటే, పీచు కారణంగా ఆకలి తగ్గుతుంది. అంతేకాకుండా అనారోగ్యకరమైన చిరుతిళ్లకు అలవాటుపడదు.
మెరుగైన మెదడు పనితీరు:
డార్క్ చాక్లెట్‌లో ఉండే ఫ్లేవనాయిడ్లు మెదడుకు రక్త ప్రసరణను మెరుగుపరుస్తాయి. ఇది జ్ఞాపకశక్తి, ఏకాగ్రత అలాగే మెదడు పనితీరు వంటి విధులను పెంచుతుంది.
ఉత్తేజ కారిణి:
డార్క్ చాక్లెట్ మెదడులో ఎండార్ఫిన్‌ లను విడుదల చేసే సమ్మేళనాలను కలిగి ఉంటుంది. ఇది ఆనందాన్ని, మంచి భావాలను ఉత్పత్తి చేస్తుంది. ఇందులో సెరోటోనిన్ కూడా ఉంటుంది. ఇది సహజమైన యాంటీ డిప్రెసెంట్‌ గా పనిచేస్తుంది.
ఒత్తిడి తగ్గిస్తుంది:
డార్క్ చాక్లెట్ తీసుకోవడం వల్ల శరీరంలో కార్టిసాల్ వంటి ఒత్తిడి హార్మోన్లు తగ్గుతాయి. ఇది ఒత్తిడిని తగ్గిస్తుంది. దీనివల్ల మనకు విశ్రాంతి అనుభూతిని పెంచుతుంది.