Union Budget 2025 : బడ్జెట్ ఎలా ఉన్న ప్రత్యేక ఆకర్షణగా నిలువనున్న నిర్మలమ్మ చీర
- Follow Us :
-
-
Add as a preferred
source on google
Union Budget 2025 : ఆర్థిక మంత్రి నిర్మలా సీతారామన్ నేడు పార్లమెంట్లో బడ్జెట్ ను ప్రవేశ పెట్టనున్నారు. తనకు ఇది ఎనిమిదో బడ్జెట్ అవుతుంది. అంతకుముందు, నిర్మలా సీతారామన్ ఆర్థిక శాఖ సహాయ మంత్రి, మొత్తం బడ్జెట్ బృందంతో అధికారిక ఫోటో సెషన్ నిర్వహించారు. బడ్జెట్ రోజున నిర్మలా సీతారామన్ చీర ఇప్పటివరకు ఏడు సార్లు సెంటర్ ఆఫ్ అట్రాక్షన్‌గా నిలిచింది. ఈసారి కూడా బడ్జెట్ రోజున ఆర్థిక మంత్రి ప్రత్యేక రకమైన చీరను ధరించారు. ఈసారి నిర్మలా సీతారామన్ గోల్డ్ వర్క్ చేసిన తెల్లటి చీరను ధరించారు. గత సంవత్సరం 2024లో నిర్మలా సీతారామన్ నీలం రంగు టస్సార్ పట్టుచీరను ధరించారు.
2019: 2019 సంవత్సరంలో లోక్‌సభ ఎన్నికల ఫలితాల తర్వాత, నిర్మలా సీతారామన్ తొలిసారిగా ఆర్థిక మంత్రిగా బాధ్యతలు చేపట్టారు. ఈసారి నిర్మలా సీతారామన్ బ్రీఫ్‌కేస్ సంప్రదాయాన్ని ఉల్లంఘించారు. బడ్జెట్ లెడ్జర్‌తో ఎరుపు దుస్తులలో కనిపించారు. ఈసారి బడ్జెట్ రోజున ఆర్థిక మంత్రి పింక్ కలర్ చీర కట్టుకున్నారు.
Read Also:Union Budget 2025 LIVE UPDATES: కేంద్ర బడ్జెట్ 2025-26 లైవ్ అప్ డేట్స్..
2020: 2020 సాధారణ బడ్జెట్ రోజున నిర్మలా సీతారామన్ పసుపు రంగు చీర ధరించారు. బసంత్ పంచమి తర్వాత రెండు రోజులకే సమర్పించిన సాధారణ బడ్జెట్‌లో నిర్మలా సీతారామన్ 2 గంటల 42 నిమిషాల పాటు ప్రసంగించిన రికార్డు ఉంది. ఆ సమయంలో ఆమె అస్వస్థతకు గురైంది. దీంతో ఆమె బడ్జెట్ ప్రసంగాన్ని కూర్చుని చదవాల్సి వచ్చింది.
2021: కరోనా కాలంలో మొదటిసారిగా ఆర్థిక మంత్రి నిర్మలా సీతారామన్ బడ్జెట్‌ను సమర్పించారు. ఆ రోజు ఆర్థిక మంత్రి చీర ఎరుపు రంగు అంచుతో తెలుపు రంగులో ఉంది. నిర్మలా సీతారామన్ పేపర్‌లెస్ బడ్జెట్‌ను ప్రవేశపెట్టడం ఇదే తొలిసారి.
2022: గతేడాది బడ్జెట్ రోజున నిర్మలా సీతారామన్ పర్పుల్ కలర్ చీర ధరించి కనిపించారు. ఈ బడ్జెట్‌కు ముందు హల్వా వేడుకకు బదులుగా.. స్వీట్ల పెట్టెలను పంపిణీ చేశారు. హల్వా సంప్రదాయానికి బ్రేక్ పడడం ఇదే తొలిసారి. అయితే 2023లో హల్వా వేడుక ఆచారం ద్వారా బడ్జెట్ పేపర్ల ముద్రణ మరోసారి ప్రారంభమైంది.
బడ్జెట్ ఎలా చూడాలి: బడ్జెట్ చూడాలనుకుంటే ‘సెంట్రల్ బడ్జెట్ మొబైల్ యాప్’లో చూడొచ్చు. గతేడాది మాదిరిగానే ఈసారి కూడా బడ్జెట్ పత్రాలు యాప్‌లో అందుబాటులో ఉంటాయి. మొబైల్ యాప్ ద్విభాషా (ఇంగ్లీష్, హిందీ).. Android, iOS ప్లాట్‌ఫారమ్‌లలో అందుబాటులో ఉంటుంది. యాప్‌ను యూనియన్ బడ్జెట్ వెబ్ పోర్టల్ (www.indiabudget.gov.in) నుండి కూడా డౌన్‌లోడ్ చేసుకోవచ్చు.