ఉప్పెన’ చిత్రంతో టాలీవుడ్ ఎంట్రీ ఇచ్చి బ్లాక్ బస్టర్ హిట్ కొట్టాడు బుచ్చిబాబు సానా. అదే జోష లో ఇప్పుడు మెగా పవర్ సార్ రామ్ చరణ్ తో పెద్ది సినిమా చేస్తున్నాడు బుచ్చి. కాగా నేడు నేడు బుచ్చి బాబు పుట్టినరోజు . ఈ సందర్భంగా ఆయనకు చిత్ర పరిశ్రమ ప్రముఖులతో పాటు అభిమానులు సోషల్ మీడియా వేదికగా శుభాకాంక్షలు తెలుపుతున్నారు. ఈ పుట్టినరోజును మరింత ప్రత్యేకం చేస్తూ ఆయన దర్శకత్వంలో మెగా పవర్ స్టార్ రామ్ చరణ్ నటిస్తున్న భారీ ప్రాజెక్ట్ ‘పెద్ది‘ నుండి స్పెషల్ వీడియో రిలీజ్ చేసారు మేకర్స్.
“బుచ్చిబాబు ఒక రా అండ్ రస్టిక్ అద్భుతాన్ని వెండితెరపై ఆవిష్కరిస్తున్నారు. ఈ సినిమా కేవలం పోటీ ఇవ్వడానికి రావడం లేదు.. బాక్సాఫీస్ను జయించడానికి వస్తోంది” అంటూ వీడియోను పోస్ట్ చేసారు మేకర్స్. రామ్ చరణ్ను మునుపెన్నడూ చూడని అత్యంత ఊర మాస్ లుక్లో ఈ సినిమాలో చూపించబోతున్నట్లు తెలుస్తోంది. మెగా ఫాన్స్ ఎంతో ఆత్రుతగా ఎదురుచూస్తున్న ఈ పాన్-ఇండియా చిత్రం ఈ ఏడాదిఏప్రిల్ 30వ తేదీన ప్రపంచవ్యాప్తంగా థియేటర్లలో సందడి చేయనుంది. వేసవి సెలవులను టార్గెట్ చేస్తూ వస్తున్న ఈ సినిమా తెలుగుతో పాటు తమిళం, హిందీ, కన్నడ మరియు మలయాళ భాషల్లో భారీ స్థాయిలో విడుదల కాబోతోంది. ఈ చిత్రానికి ఆస్కార్ విజేత ఏఆర్ రెహమాన్ సంగీతం అందిస్తుండగా వృద్ధి సినిమాస్ & మైత్రి మూవీస్ తో సుకుమార్ రైటింగ్స్ సంయుక్తంగా నిర్మిస్తున్నాయి. బుచ్చిబాబు సానా తన అద్భుతమైన కథా బలంతో రామ్ చరణ్కు మరో ‘రంగస్థలం’ మించిన విజయాన్ని అందిస్తారని మెగా అభిమానులు ధీమా వ్యక్తం చేస్తున్నారు