BSNL FTTH: తెలంగాణలో బీఎస్ఎన్ఎల్ నుండి అతి తక్కువ ధరకు FTTH ట్రిపుల్ ప్లే సేవలు ప్రారంభం..

BSNL FTTH: ప్రభుత్వరంగ టెలికాం సర్కిల్ బీఎస్ఎన్ఎల్ తెలంగాణ రాష్ట్రవ్యాప్తంగా అత్యంత సరసమైన ధరలలో ఫైబర్-టు-ది-హోమ్ (FTTH) ట్రిపుల్ ప్లే సేవలను ప్రారంభించింది. ఈ సేవలు డిజిటల్ కనెక్టివిటీలో ఒక విప్లవాన్ని తీసుకువస్తాయని బీఎస్ఎన్ఎల్ తెలంగాణ సర్కిల్ సీ.జి.ఎం. రత్నకుమార్ తెలిపారు. ఈ రకమైన సేవలు ఇంత తక్కువ ధరలో దేశంలో మరెక్కడా అందుబాటులో లేవని ఆయన పేర్కొన్నారు.

Ranveer Singh : మరో సౌత్ దర్శకుడి రెండేళ్లు టైం వేస్ట్ చేసిన రణవీర్.. ఎవరంటే?

బీఎస్ఎన్ఎల్ ట్రిపుల్ ప్లే సేవలు మూడు ముఖ్యమైన సౌకర్యాలను ఒకే ప్యాకేజీలో అందిస్తాయి. ఇందులో మొదటిది హై-స్పీడ్ వై-ఫై ఇంటర్నెట్. ఇది నిరంతరాయంగా, నమ్మదగిన ఫైబర్ బ్రాడ్‌బ్యాండ్ సేవలను అందిస్తుంది. రెండవది ఫిక్స్-లైన్ టెలిఫోన్. దీని ద్వారా స్పష్టమైన వాయిస్ కాలింగ్‌ను చేసుకోవచ్చు. మూడవది ఐ.పి.టి.వి. లేదా కేబుల్ టీవీ. ఇది విభిన్న రకాల వినోద ఛానెల్‌లను అందిస్తుంది.

Akhanda 2 Release Date: ఎల్లుండి తమ్ముడు పవన్‌ సినిమా.. అఖండ 2 వచ్చేది అప్పుడే.. క్లారిటీ ఇచ్చిన బాలయ్య..

ఈ ట్రిపుల్ ప్లే సేవలు అతి తక్కువ ధరలతో అంటే.. కేవలం రూ.299, రూ.399 ప్లాన్‌లతో ప్రారంభమవుతాయి. ఈ ప్లాన్‌లు వినియోగదారులకు ఆర్థికంగా చాలా అందుబాటులో ఉంటాయి. అంతేకాకుండా, బీఎస్ఎన్ఎల్ సెమీ-అర్బన్, గ్రామీణ ప్రాంతాల్లోని వినియోగదారుల కోసం ప్రత్యేకంగా రూ.799, రూ.199 (GSTతో సహా) వంటి ఆకర్షణీయమైన యాడ్-ఆన్ ప్లాన్‌లను కూడా అందిస్తోంది. ఈ ప్యాకేజీలు డిజిటల్ కనెక్టివిటీని మరింత వేగవంతం చేస్తాయని, అన్ని వర్గాల ప్రజలకు అందుబాటులోకి తీసుకొస్తాయని బీఎస్ఎన్ఎల్ అధికారులు ఆశాభావం వ్యక్తం చేస్తున్నారు. ఈ కొత్త సేవలతో బీఎస్ఎన్ఎల్ డిజిటల్ కనెక్టివిటీని మరింత వేగవంతం చేయాలని లక్ష్యంగా పెట్టుకుంది.