BRO : సినిమాను సరికొత్తగా ప్రమోట్ చేస్తున్న మేకర్స్..

పవర్ స్టార్ పవన్ కళ్యాణ్, మెగా మేనల్లుడు సాయి తేజ్ కలిసి నటించిన సినిమా బ్రో ది అవతార్. ఈ సినిమా ను ఈ నెల 28 వ తేదీన ఎంతో గ్రాండ్ గా విడుదల చేయబోతున్నారు.తొలిసారి పవన్‌, సాయిధరమ్‌ తేజ్‌ ఒకేసారి స్క్రీన్‌పై కనిపించబోతుండటంతో మెగా అభిమానులు ఈ సినిమా కోసం ఎంతగానో ఎదురు చూస్తున్నారు. విలక్షణ నటుడు మరియు దర్శకుడు అయిన సముద్రఖని ఈ సినిమాను తెరకెక్కిస్తున్నారు.ఈ సినిమా తమిళంలో సూపర్‌ హిట్టయిన వినోదయ సిత్తం సినిమాకు రీమేక్‌గా తెరకెక్కిన విషయం తెలిసిందే.ఫాంటసీ డ్రామా నేపథ్యం లో ఈ సినిమా తెరకెక్కింది.. సినిమా విడుదల తేదీ దగ్గరపడటం తో ఈ క్రమంలో మేకర్స్‌ వరుసగా ప్రమోషన్‌ కార్యక్రమాలు నిర్వహిస్తున్నారు.తాజాగా చిత్ర యూనిట్ గోదావరి నదిలో బోట్లతో సరికొత్త గా సినిమా టైటిల్‌ను ప్రదర్శించారు.. ఇలా వినూత్నంగా ప్రమోషన్లతో ప్రేక్షకులలో మంచి ఇంట్రెస్ట్‌ క్రియేట్‌ చేస్తున్నారు మేకర్స్.

ఈ సినిమా నుండి విడుదల అయిన టీజర్‌ మరియు మై డియర్‌ మార్కండేయా పాట కు అద్భుతమైన రెస్పాన్స్ లభించింది.అలాగే ఈ చిత్రం మరో సాంగ్ ను కూడా విడుదల చేయబోతున్నట్లు సమాచారం. బ్రో మోషన్ పోస్టర్ లో వినిపించే శ్లోకం ఫుల్ వెర్షన్ ను ఈ శనివారం లేదా ఆదివారం విడుదల చేయబోతున్నట్లు సమాచారం.పీపుల్ మీడియా బ్యానర్‌పై ఈ సినిమా భారీ స్థాయిలో ఎంతో గ్రాండ్ గా తెరకెక్కింది. ఈ సినిమాలో కేతిక శర్మ, ప్రియా ప్రకాష్ వారియర్ హీరోయిన్ లుగా నటిస్తున్నారు.ఇక బ్రో సినిమాపై ప్రేక్షకుల్లో భారీ అంచనాలు ఉన్నాయి. అంతేకాకుండా ఈ సినిమాకు భారీ రేంజ్‌లో బిజినెస్‌ కూడా జరిగింది.. ఈ సినిమా టోటల్ బిజినెస్‌ వంద కోట్లకు పైగానే జరిగిందని తెలుస్తుంది.ఈ సినిమా కోసం ప్రపంచ వ్యాప్తంగా అభిమానులు ఎంతగానో ఎదురు చూస్తున్నారు. సినిమా విడుదల అయిన తరువాత ఎలాంటి రికార్డ్స్ క్రియేట్ చేస్తుందో చూడాలి.