Indian 3 : ఇండియన్ 3 గురించి క్లారిటీ ఇచ్చిన బాబీ సింహా..?

కోలీవుడ్ స్టార్ డైరెక్టర్ శంకర్ తెరకెక్కిస్తున్న లేటెస్ట్ మూవీ ఇండియన్ 2.విశ్వ నటుడు కమల్ హాసన్ టైటిల్ రోల్ పోషిస్తున్న ఈ సినిమా కోసం అభిమానులతో పాటు ప్రేక్షకులు కూడా ఎంతో ఆసక్తిగా ఎదురు చూస్తున్నారు. ఇండియన్ సీక్వెల్‌గా తెరకెక్కుతున్న ఈ సినిమాపై అంచనాలు భారీ స్థాయిలో ఉన్నాయి. లైకా ప్రొడక్షన్స్ -రెడ్ జియాంట్ మూవీస్ నిర్మిస్తున్న ఈ మూవీ షూటింగ్ దశలో ఉంది. ఇప్పటికే లాంఛ్ చేసిన ఇండియన్‌ 2 గ్లింప్స్ సినిమాపై అంచనాలు అమాంతం పెంచేస్తోంది. కాగా ఇదే ప్రాంఛైజీలో ఇండియన్ 3 సినిమా కూడా ఉండబోతుందని ఇప్పటికే నెట్టింట వార్తలు తెగ వైరల్ అవుతున్నాయి ఇండియన్‌ 2 చిత్రంలో తెలుగు మరియు తమిళ ప్రేక్షకులకు సుపరిచితుడైన బాబీ సింహా ముఖ్య పాత్ర పోషిస్తున్న విషయం తెలిసిందే. ఇప్పుడు ఇండియన్ 3కు సంబంధించి ఇంట్రెస్టింగ్ లీక్ ఇచ్చి బాబీ సింహా మూవీ పై మరిన్ని అంచనాలు పెంచేసాడు. ఇండియన్‌ 2 తో పాటు ఇండియన్ 3 షూటింగ్ కూడా ఒకేసారి కొనసాగుతున్నాయని ఆయన కామెంట్‌ చేసినట్లు సమాచారం.దీంతో త్రీక్వెల్‌ పక్కా అని అర్థమవుతోంది. అయితే మూడో పార్టుకు సంబంధించి మాత్రం ఎలాంటి వివరాలను వెల్లడించలేదు.

పాన్ ఇండియా కథాంశం తో వస్తోన్న ఈ మూవీ లో ఎస్‌జే సూర్య, బాబీ సింహా, సిద్దార్థ్‌, బ్రహ్మానందం, సముద్రఖని, మధుబాల, రకుల్ ప్రీత్ సింగ్ మరియు ప్రియా భవానీ శంకర్‌, కీలక పాత్రలు పోషిస్తున్నారు. ఈ చిత్రాన్ని లైకా ప్రొడక్షన్స్ -రెడ్ జియాంట్ మూవీస్ పై ఉదయనిధి స్టాలిన్‌-సుభాస్కరన్‌ నిర్మిస్తుండగా.. యంగ్ మ్యూజిక్ సెన్సేషన్ అనిరుధ్ రవిచందర్ మ్యూజిక్ మరియు బ్యాక్‌గ్రౌండ్ స్కోర్‌ అందిస్తున్నాడు. ఇప్పటికే లాంఛ్ చేసిన ఇండియన్ 2 ఫస్ట్‌ లుక్ పోస్టర్లు సినిమాపై అంచనాలు పెంచేస్తూ.. సూపర్ బజ్‌ ను క్రియేట్‌ చేస్తున్నాయి.శంకర్‌ టీం ఇప్పటికే ఇండియన్ 2లోనీ కీలక షెడ్యూల్‌ను చెన్నై , లాస్‌ ఏంజెల్స్‌, తైవాన్‌ మరియు సౌతాఫ్రికా ప్రాంతాల్లో చిత్రీకరించారు. శంకర్ సినిమాలలో బలమైన కథ, సన్నివేశాలతో పాటుభారీ స్థాయిలో సాంగ్స్‌ కూడా ఉంటాయన్న విషయం ప్రత్యేకంగా చెప్పనవసరం లేదు..ఇండియన్‌ 2 ఆడియో హక్కులను పాపులర్‌ మ్యూజిక్‌ లేబుల్ సోనీ మ్యూజిక్‌ భారీ ధరకు దక్కించుకుంది.ఇండియన్ 2 సినిమాను వచ్చే ఏడాది ఆగస్టు 15 న విడుదల చేసేందుకు మేకర్స్ ప్లాన్ చేస్తున్నారు.. ఈ సమయంలో నే ఇండియన్ 3 గురించి కూడా మేకర్స్ క్లారిటీ ఇచ్చే అవకాశం కూడా వుంది..