మెగాస్టార్ చిరంజీవి..ఈఏడాది ఆరంభంలోనే వాల్తేరు వీరయ్య సినిమాతో బ్లాక్ బస్టర్ హిట్ అందుకున్నారు. ఇప్పుడు భోళా శంకర్ సినిమాతో భారీ విజయం సాధించడానికీ సిద్ధంగా వున్నారు. మెగాస్టార్ చిరంజీవి హీరోగా నటిస్తున్న ఈ చిత్రాన్ని మెహర్ రమేశ్ ఎంతో గ్రాండ్ గా తెరకెక్కించారు.ఈ సినిమాలో చిరంజీవి సరసన మిల్కీ బ్యూటీ తమన్నా హీరోయిన్ గా నటిస్తుంది.అలాగే స్టార్ హీరోయిన్ కీర్తి సురేష్ ఈ సినిమాలో చిరు చెల్లి పాత్రలో నటిస్తోంది. ఈ సినిమాలో యంగ్ హీరో సుశాంత్ ఈ మూవీలో ముఖ్య పాత్ర పోషిస్తున్నారు. ఈ చిత్రానికి మణిశర్మ తనయుడు మహతి స్వర సాగర్ సంగీతం అందిస్తున్నారు. ఇప్పటికే ఈ మూవీ నుంచి విడుదలైన సాంగ్స్ బాగా ఆకట్టుకున్నాయి. భారీ అంచనాలతో రూపొందిన భోళా శంకర్ చిత్రం ఆగస్ట్ 11న విడుదల కాబోతుంది.దీనితో ఇప్పటికే తెలుగు రాష్ట్రాల్లో భోళా శంకర్ సందడి మొదలైంది.
ఇటీవల ఈ సినిమా నుండి విడుదలైన ట్రైలర్ కు అద్భుతమైన రెస్పాన్స్ లభించింది.ముఖ్యంగా ఇందులో చిరంజీవి లుక్స్ మరియు స్టైల్ మెగా ఫ్యాన్స్ ను ఎంతగానో మెప్పించింది.. దీంతో ఈ సినిమాను చూసేందుకు మెగా ఫ్యాన్స్ ఎంతో ఆసక్తిగా ఎదురుచూస్తున్నారు.అలాగే భోళా శంకర్ చిత్ర నిర్మాణ సంస్థ ప్రమోషన్స్ కూడా ఎంతో గ్రాండ్ గా నిర్వహిస్తుంది.. మెగా అభిమానులను బాగా ఆకట్టుకునేందుకు సరికొత్తగా ప్రమోషన్స్ చేస్తున్నారు మేకర్స్. భోళా శంకర్ పై బాగా హైప్ క్రియేట్ అవ్వడానికి చిత్ర నిర్మాణ సంస్థ ఏకే ఎంటర్టైన్మెంట్స్ మెగాస్టార్ భారీ కటౌట్ ను ఏర్పాటు చేసింది.తెలంగాణలోని సూర్యపేటలో విజయవాడ మరియు హైదరాబాద్ హైవే పక్కన రాజు గారి తోట వద్ద మెగాస్టార్ చిరంజీవి భారీ కటౌట్ ను ఏర్పాటు చేసింది ఏకే ఎంటర్టైన్మెంట్స్ . ఈ కటౌట్ తెలుగు చిత్రపరిశ్రమ చరిత్రలోనే చాలా పెద్దది అని తెలుపుతూ ఆ భారీ కటౌట్ ఫోటో ను షేర్ చేసింది. అయితే కటౌట్ ఎన్ని అడుగులు ఉందనేది మాత్రం వారు వెల్లడించలేదు. ప్రస్తుతం చిరు భారీ కటౌట్ నెట్టింట బాగా వైరల్ అవుతుంది.